বাঘৰ আক্ৰমণত আহত দুই ভাতৃ। প্ৰকাণ্ড নাহৰফুটুকী বাঘৰ আক্ৰমণত এজনৰ অৱস্থা গুৰুতৰ । টিংখাঙত বাঘৰ আক্ৰমণত আহত হৈছে দুগৰাকী ভাতৃ।
প্ৰকাণ্ড নাহৰফুটুকী বাঘৰ আক্ৰমণত আহত এজনৰ অৱস্থা গুৰুতৰ। টিংখাঙৰ দিল্লীবাৰীৰ লংবৈ নহোলা গাঁৱত সংঘটিত হৈছে এই ঘটনা । গাঁওখনৰ চুটু গঞ্জু নামৰ লোকজনৰ দুই পুত্ৰ বিনোদ গঞ্জু আৰু সুনীল গঞ্জুক আক্ৰমণ কৰে বাঘে। আহত দুই যুৱকক ৰাজগড় সামূহিক চিকিৎসালয়ত প্ৰাথমিক চিকিৎসা কৰোৱাই ততাতৈয়াকৈ ডিব্ৰুগড়লৈ প্ৰেৰণ কৰা হয়। ইয়াৰে সুনীলৰ অৱস্থা অধিক গুৰুতৰ। মূৰত, কপালত, হাতত বাঘে আক্ৰমণ কৰি আহত কৰিছে যুৱক দুজনক।
নিশাই ঘটনাস্থলীত উপস্থিত হৈ বন বিভাগৰ লোকে পিঞ্জৰা পাতি বাঘ ধৰাৰ ব্যৱস্থা কৰাৰ চেষ্টা অব্যাহত ৰাখিছে বন বিভাগে।
