উত্তৰ প্ৰদেশৰ বালিয়াত সংঘটিত হৈছে এক শিহৰণকাৰী অপহৰণ কাণ্ড। ৰাজ্যখনৰ এখন কনভেন্ট বিদ্যালয়ৰ তিনিগৰাকী শিক্ষকে দশম শ্ৰেণীৰ শিক্ষার্থীক অপহৰণ কৰাৰ অভিযোগ উত্থাপিত হয়। যোৱা ২৫ ফেব্রুৱাৰীত ১৬ বছৰীয়া শিক্ষার্থীগৰাকীয়ে পৰীক্ষা দিবলৈ ঘৰৰ পৰা ৰাওনা হোৱাৰ পাছত বাটত তেওঁক অপহৰণ কৰা হয়। অভিযোগ অনুসৰি বিদ্যালয়খনৰ এগৰাকী প্রাক্তন শিক্ষকে দুগৰাকী শিক্ষকৰ সহায়ত এই অপহৰণ কাণ্ড সংঘটিত কৰে। যোৱা ২৫ ফেব্ৰুৱাৰীত পৰীক্ষা দিবলৈ যোৱা শিক্ষার্থীগৰাকীক বহু বিচাৰ-খোচাৰ কৰাৰ পাছতো সম্ভেদ নোপোৱাত আৰক্ষীক অভিযোগ দাখিল কৰা হয়। অনুসন্ধানকালত পোহৰলৈ অহা মতে বিদ্যালয়খনৰ প্ৰাক্তন শিক্ষক অজয় চৌহাতে আন দুগৰাকী শিক্ষক প্রিয়াংশু আৰু সন্দিপৰ সহযোগত অপহৰণ কাণ্ড সংঘটিত কৰে। অৱশ্যে, শিক্ষার্থীগৰাকীৰ অপহৰণৰ কাৰণ বৰ্তমানলৈ পোহৰলৈ অহা নাই।
