মৰিগাঁও সদৰ থানাৰ নিচেই কাষতে এইবাৰ চোৰৰ চাফাই অভিযান। মৰিগাঁও চহৰৰ চুপাৰ মাৰ্কেটত নিশা চোৰৰ তাণ্ডৱ। এখন, দুখন নহয় পাঁচখনকৈ দোকানত চোৰে চলালে চাফাই। উল্লেখ্য যে আটাইকেইখন দোকানৰ টিন ফুটা কৰি প্ৰৱেশ কৰিছিল চুৰ। মোবাইলৰ লগতে কাপোৰৰ দোকানত চোৰে চলালে লুটপাত। কেৱল সেয়াই নহয় কাপোৰৰ দোকানত সোমাই পুৰণি কাপোৰ সলাই চোৰে পিন্ধি গল নতুন কাপোৰ। পুৱা দোকান খোলাৰ পিছতহে পোহৰলৈ আহিল এই চুৰিকাণ্ড। আনফালে মৰিগাঁও সদৰ থানাৰ পৰা প্ৰায় ২০০মিটাৰ নিলগতে হোৱা এই চুৰিকাণ্ডই এতিয়া সৃষ্টি কৰিছে ব্যাপক চাঞ্চল্যৰ।
