গুৱাহাটীত খেলো ইণ্ডিয়া অস্মিতা ৰাজ্যিক হকী লীগ আৰম্ভ

গুৱাহাটীৰ ভেটাপাৰাৰ মৌলানা মহম্মদ তয়াবুল্লাহ হকী ষ্টেডিয়ামত বৃহস্পতিবাৰৰ পৰা আৰম্ভ হৈছে খেলো ইণ্ডিয়া অস্মিতা ৰাজ্যিক হকী লীগ৷ ভাৰতীয় ক্ৰীড়া প্ৰাধিকৰণৰ সহযোগত অসম হকীয়ে আয়োজন কৰা প্ৰাইজমানি প্ৰতিযোগিতাখনত ছোৱালীৰ জুনিয়ৰ আৰু ছাব-জুনিয়ৰ শাখাৰ খেল অনুষ্ঠিত হৈছে৷

অসম হকীৰ সম্পাদক তথা হকী ইণ্ডিয়াৰ কাৰ্যকৰী ব’ৰ্ডৰ জ্যেষ্ঠ প্ৰতিনিধি তপন দাসে জনোৱা অনুসৰি প্ৰতিযোগিতাত জুনিয়ৰ শাখাত আঠটা তথা ছাব-জুনিয়ৰ শাখাতো সমসংখ্যক দলে অংশগ্ৰহণ কৰিছে৷ অংশগ্ৰহণ কৰা জিলাসমুহ হ’ল ঃ নাহৰকটীয়া, ধেমাজি, বঙাইগাওঁ, মাকুম, নগাঁও, শিলচৰ, ভেড়গাঁও আৰু তেজপুৰ৷

অংশগ্ৰহণকাৰী দলক দুটা গ্ৰুপত ভাগ কৰি প্ৰথমে লীগৰ মেচ অনুষ্ঠিত হ’ব৷ গ্ৰুপৰ শীৰ্ষ দল দুটাই ছেমিফাইনেল খেলাৰ বাবে যোগ্যতা অৰ্জন কৰিব৷ জুনিয়ৰৰ ফাইনেল অহা ২৩ মাৰ্চত হোৱাৰ বিপৰীতে ছাব-জুনিয়ৰৰ চুড়ান্ত খেলখন অন্তিমদিনা অৰ্থাৎ অহা ২৬ মাৰ্চত অনুষ্ঠিত হ’ব৷

আজি প্ৰতিযোগিতাৰ উদ্বোধনী অনুষ্ঠানত অতিথিৰূপে উপস্থিত থাকে ছাই গুৱাহাটী কেন্দ্ৰৰ সঞ্চালক ডি কে মইট্ৰাল আৰু অসম চৰকাৰৰ ক্ৰীড়া সঞ্চালক প্ৰদীপ টিমুং৷ উল্লেখ্য যে কেন্দ্ৰীয় ক্ৰীড়া বিভাগে দেশৰ মহিলা ক্ৰীড়াবিদৰ উত্তৰণৰ বাবে সকলো খেলৰে অস্মিতা প্ৰতিযোগিতা ৰাষ্ট্ৰীয় আৰু ৰাজ্যিক পৰ্যায়ত আয়োজন কৰিছে৷ অসমত প্ৰথমবাৰৰ বাবে হকীৰ এই ৰাজ্যিক লীগ আয়োজন কৰা হৈছে৷

NKTV Digital
Author: NKTV Digital

Popular

More like this
Related

ইজৰাইলত নতুন চৰকাৰ গঠনৰ তৎপৰতা, নেতানিয়াহুৰ লিকুড পাৰ্টিক আলোচনালৈ আমন্ত্ৰণ গাডি আইজেনকটৰ

ইজৰাইলত নতুন চৰকাৰ গঠনৰ প্ৰক্ৰিয়াক লৈ ৰাজনৈতিক তৎপৰতা বৃদ্ধি...

গুজৰাটৰ কচ্ছত ভয়ংকৰ পথ দুৰ্ঘটনা, একেটা পৰিয়ালৰ তিনি শিশুসহ ৭জনৰ মৃত্যু

গুজৰাটৰ কচ্ছ জিলাত সংঘটিত এক ভয়ংকৰ পথ দুৰ্ঘটনাত তিনিটা...

অপাৰেচন সিন্দূৰৰ সময়ত পাকিস্তানক চীনৰ সমৰ্থন,ভাৰতৰ উত্থান ৰোধৰ কৌশল চীনৰ : আমেৰিকান কমিটী

ভাৰতৰ ক্ৰমবৰ্ধমান শক্তি আৰু আঞ্চলিক প্ৰভাৱ সীমিত কৰাৰ লক্ষ্যৰে...