মহিলাসকল সাৱধান! ঘৰত অকলে থকাৰ সুযোগ লৈ অসৎ চৰিতাৰ্থ পূৰণৰ চেষ্টা চলাব পাৰে ভণ্ড বাবাই। মহানগৰীৰ পাণ্ডু কামাখ্যা কলনীত চাঞ্চল্যকৰ ঘটনা। ঘৰত কোনো নথকাৰ সুযোগ লৈ নৰেশ সৰকাৰ নামৰ স্বয়ম্ভু তান্ত্ৰিকজনে ১১ বছৰীয়া কিশোৰীক ধৰ্ষণৰ চেষ্টা চলোৱাৰ অভিযোগ। ঘৰৰ পিছফালে নি ধৰ্ষণৰ চেষ্টা চলোৱাৰ সময়তে কিশোৰীগৰাকীয়ে চিঞৰ-বাখৰ কৰে। কিশোৰীৰ চিঞৰত ওলাই আহে স্থানীয় ৰাইজ। উপস্থিত লোকে ভণ্ড তান্ত্ৰিকক উত্তম-মধ্যম শোধাই গতাই দিলে জালুকবাৰী আৰক্ষীক।
