ডবকাৰ হাজী আনফৰ আলী মহাবিদ্যালয়ত ছাত্ৰ একতা সভাৰ নিৰ্বাচনৰ মনোনয়ন পত্ৰ দাখিলক কেন্দ্ৰ কৰি উত্তেজনাময় পৰিস্থিতিৰ সৃষ্টি হয়।
মনোনয়ন পত্ৰ দাখিলক লৈ দুটা ফৈদৰ মাজত সংঘটিত হয় মাৰপিট। ঘটনাত মাচুক আহমেদ, শ্বামিম আহমেদ আৰু শ্বাহনেৱাজ আহমেদ নামৰ তিনিগৰাকী ছাত্ৰ আহত। আহত তিনিওজনকে ডবকাৰ এখন ব্যক্তিগত চিকিৎসালয়ত ভৰ্তি কৰোৱা হৈছে।
ঘটনাৰ খবৰ পাই ডবকা আৰক্ষী মহাবিদ্যালয়খনত উপস্থিত হৈ পৰিস্থিতি নিয়ন্ত্ৰণ কৰে। ইফালে, ঘটনাৰ বাতৰি সংগ্ৰহ কৰিবলৈ যোৱা সাংবাদিকক দেখি মহাবিদ্যালয় কৰ্তৃপক্ষই গেট বন্ধ কৰি দিয়াৰ অভিযোগ উত্থাপন হৈছে।
অৱশ্যে, কি কাৰণত এই মাৰপিটৰ ঘটনা সংঘটিত হ’ল, সেই সন্দৰ্ভত বৰ্তমানলৈকে কোনো পক্ষই স্পষ্টকৈ মুখ খোলা নাই।
