পুনৰ জ্বলিছে বাংলাদেশ। চাকৰি নিয়মীয়াকৰণৰ লগতে ৰাষ্ট্ৰীয়কৰণৰ দাবীত দুদিন ধৰি ঢাকা সচিবালয়ৰ সন্মুখত প্ৰতিবাদী কাৰ্যসূচী পালন কৰাৰ সময়তে দেওবাৰে নিশা এদল ছাত্ৰৰ মাজত সৃষ্টি হয় সংঘৰ্ষৰ।
সংঘৰ্ষই কেইটামান মুহূৰ্ততে লয় ভয়াৱহ ৰূপ। ইটা–শিলাবৰ্ষণত আহত অৰ্ধশতাধিক লোক। পৰিস্থিতি নিয়ন্ত্ৰণৰ বাবে আৰক্ষীৰ লগতে মোতায়েন কৰিব লগা হয় সেনা বাহিনী। দেওবাৰে নিশা প্ৰায় ৯ বজাত পেৰামিলিটেৰিৰ সহায়ক বাহিনী আনচাৰ বাহিনীয়ে আগুৰি ধৰে ছাত্ৰনেতা তথা অন্তৱৰ্তীনকালীন চৰকাৰৰ উপদেষ্টা নাহিদ ইছলামসহ কেইবাগৰাকী ছাত্ৰক। তাৰপিছতে লাগে সংঘৰ্ষ।
অন্তঃবৰ্তিনকালীন চৰকাৰৰ উপদেষ্টা নাহিদ ইছলামৰ অভিযোগ। অনচাৰ বাহিনীৰ কাৰ্য এক ডাঙৰ ষড়যন্ত্ৰ। হিংসাত জড়িতৰ বিৰুদ্ধে কঠোৰ পদক্ষেপ লোৱাৰো হুংকাৰ দিলে নাহিদ ইছলামে। ইফালে আনচাৰ আৰু গ্ৰাম্য প্ৰতিৰক্ষ বাহিনীৰ জেনেৰেলে মন্তব্য কৰিছে আন্দোলনকাৰীসকল প্ৰকৃত আনচাৰ বাহিনীৰ সদস্য নহয়। কোনো বহিৰাগত লোকে আনচাৰৰ পোছাক পিন্ধি আন্দোলন কৰিছে। কিন্তু এই ঘটনাই পুনৰ অশান্ত কৰি তুলিছে বাংলাদেশ। এনে সংঘাটৰ মাজতে অন্তৱৰ্তীকালীন চৰকাৰৰ মুৰব্বী মহম্মদ ইউনুছতে দেশবাসীক উদ্দেশ্যি এক ভাষণ দি কয় — বৰ্তমানৰ চৰকাৰে ঐক্য-শান্তিৰ বাবে কাম কৰিছে। কৃষকৰ উন্নয়ণ, নিৰ্বাচন আয়োগৰ সংস্কাৰ কৰা হ’ব। অৱশ্যে কিমান দিনলৈ অন্তৰ্বৰ্তীকালীন চৰকাৰ চলিব সেই সিদ্ধান্ত দেশৰ মানুহে ল’ব মন্তব্য কৰে ইউনুছে।
