ৰাছিয়াই ইউক্ৰেইন আক্ৰমণ কৰা পিছত এইবাৰ ৰঙাচীনে যিকোনো সময়তে আক্ৰমণ কৰিব পাৰে টাইৱানক। চীনৰ আক্ৰমণৰ পৰা টাইৱানৰ জনসাধাৰণে নিজকে কেনেকৈ ৰক্ষা কৰিব লাগিব তাৰ ওপৰত টাইৱান সামৰিক বাহিনীয়ে মঙলবাৰে প্ৰথমবাৰৰ বাবে অসামৰিক প্ৰতিৰক্ষাৰ ওপৰত এখন হেণ্ডবুক মুকলি কৰে। য’ত চীনা সৈন্যৰ পৰা নিজকে ৰক্ষা কৰিবলৈ কি কি উপায় অবলম্বন কৰিব লাগে তাৰ ওপৰত এই হেণ্ডবুক মুকলি কৰিছে। যি যুদ্ধৰ পৰিস্থিতিত নাগৰিকসকলক জীয়াই থকাৰ নিৰ্দেশনা দিয়ে। চীনে টাইৱানক নিজৰ নিয়ন্ত্ৰণলৈ অনাৰ বাবে বলপ্ৰয়োগ এতিয়ালৈকে এৰি দিয়া নাই, লগতে বিগত দুবছৰত চীনৰ সামৰিক ক্ষমতা বৃদ্ধি কৰিছে।
টাইৱানৰ হেণ্ডবুকত স্মাৰ্টফোন এপটোত পানী আৰু খাদ্য কেনেদৰে যোগান ধৰিব লাগে, লগতে জৰুৰীকালীন প্ৰাথমিক চিকিৎসা কিট প্ৰস্তুত কৰাৰ পৰামৰ্শ বিৱৰণ দিয়া হৈছে। টাইৱান মন্ত্ৰালয়ৰ অল-আউট ডিফেন্স মোবিলাইজেচন ইউনিটৰ এজন বিষয়া লিউ টাই-য়িয়ে এক অনলাইন সংবাদ যোগে জনায় যে, “আমি সামৰিক সংকট আৰু আহিবলগীয়া সম্ভাব্য দুৰ্যোগত নাগৰিকসকলে কেনে প্ৰতিক্ৰিয়া দেখুৱাব লাগে সেই বিষয়ে তথ্য প্ৰদান কৰি আছো।” হেণ্ডবুকখনত সামৰিক আক্ৰমণৰ পৰা বাচি থাকিবলৈ পৰামৰ্শসহ কমিক ষ্ট্ৰিপ আৰু ছবি ব্যৱহাৰ কৰা হয়, যেনে বিমান আক্ৰমণৰ চাইৰেন আৰু মিছাইলৰ পৰা আশ্ৰয় লোৱাৰ উপায়বোৰ কেনেদৰে পৃথক কৰিব লাগে তাত জনোৱা হৈছে।
টাইৱানে চীনৰ দ্বাৰা পৰিকল্পনা কৰা এক আসন্ন আক্ৰমণৰ কোনো লক্ষণ প্ৰকাশ কৰা নাই, কিন্তু ইউক্ৰেইনত যুদ্ধৰ আৰম্ভণিৰ পৰাই ইয়াৰ সতৰ্কতাৰ স্তৰ বৃদ্ধি পাই আহিছে, যাক মস্কোৱে “বিশেষ সামৰিক অভিযান” বুলি কয়। ৰাষ্ট্ৰপতি টচাই ইং-ৱেনে দ্বীপটো ৰক্ষা কৰাৰ বাবে বাৰে বাৰে প্ৰতিশ্ৰুতি দিছে আৰু ইয়াৰ বাহিনীক অধিক ভ্ৰাম্যমাণ আৰু আক্ৰমণ কৰা কঠিন কৰি তুলিবলৈ এক বিস্তৃত আধুনিকীকৰণ কাৰ্যসূচীৰ তত্বাৱধান কৰি আছে।
