ফিফা ১৭ অনূৰ্ধ মহিলা বিশ্বকাপ প্ৰতিযোগিতাত ইতিহাস ৰচিলে স্পেইনে। প্ৰথমবাৰৰ বাবে ফাইনেলত প্ৰৱেশ কৰিও আত্মঘাতী গ’লেৰে বিশ্বকাপ জয়ৰ স্বপ্নভংগ কলম্বিয়াৰ।
দেওবাৰে নিশা মুম্বাইৰ ডি ৱাই পাটিল ষ্টেডিয়ামত অনুষ্ঠিত ৰোমাঞ্চকৰ ফাইনেলত কলম্বিয়াক ১-০ গ’লত হৰুৱাই ফিফা ১৭ অনূৰ্ধ মহিলা বিশ্বকাপ দখল স্পেইনৰ। মেচখনৰ ৮২ মিনিটত আত্মঘাতী গ’লটো দিয়ে কলম্বিয়াৰ ডিফেণ্ডাৰ আনা গুজমেনে।
স্পেইনৰ গ’লমুখী আক্ৰমণ ৰোধ কৰিবলৈ গৈ গুজমেনে নিজৰ জালতেই বল ঠেলি দিয়ে। কলম্বিয়াক প্ৰত্যাৱৰ্তনৰ সুযোগেই নিদিলে স্পেইনৰ দলটোৱে। ইফালে জাৰ্মানীক হৰুৱাই নাইজেৰিয়াই দখল কৰে তৃতীয় স্থান।
