সোণাপুৰৰ ডিগাৰু নৈৰ জৈৱবৈচিত্ৰ্যৰ প্ৰতি ভাবুকি। ক্ৰমাৎ বিষাক্ত হৈ পৰিছে ডিগাৰু নৈৰ পানী চ’ত মহীয়া প্ৰখৰ ৰদত উপঙি উঠিছে মাছ। ইতিমধ্যে এই মাছ নৈ পৰীয়াই আহাৰ হিচাপে গ্ৰহণ কৰি আক্ৰান্ত হৈছে বেমাৰত। একাংশ উদ্যোগিক প্ৰতিষ্ঠানে নিশাৰ ভাগত উদ্যোগটোৰ বৰ্জিত পদাৰ্থসমূহ ডিগাৰু নৈত এৰি দিয়াৰ ফলত এনেদৰে জলচৰ প্ৰাণীসমূহৰ মৃত্যু ঘটাৰ আশংকা কৰা হৈছে।
এই বৰ্জিত পদাৰ্থসমূহ ইমানেই বিষাক্ত যে ডিগাৰু নৈৰ পানীৰ স্বাভাৱিক ৰং হেৰুৱাই ক্ৰমাৎ বগা ৰং ল’বলৈ আৰম্ভ কৰিছে। এই ঘটনাৰ পিছতে চিন্তিত হৈ পৰিছে স্থানীয় জনতা। সচেতন নাগৰিকসকলৰ দাবী শীঘ্ৰে ব্যৱস্থা লওক প্ৰশাসনে।
