গো মাংসৰে বনভোজ খাই আৰক্ষীৰ জালত পৰিল ৬ জনকৈ যুৱক

এইবাৰ গো মাংসৰে বনভোজ খাই আৰক্ষীৰ জালত পৰিল ৬ জনকৈ যুৱক। বনভোজ খাবলৈ গৈ গো মাংস কাটি সামাজিক মাধ্যমত ভিডিঅ’ ভাইৰেল কৰিছিল যুৱককেইজনে। ঘটনা সন্দৰ্ভত হাতীগাওঁ আৰক্ষী থানাত ৰুজু হৈছিল এক গোচৰ। সেই গোচৰৰ ভিত্তিত অভিযান চলাইছিল আৰক্ষীয়ে। কামৰূপ আৰক্ষীৰ সহযোগত ছয়গাঁৱৰ আছলপাৰাৰ পৰা আটক কৰা হয় ৬ জনকৈ যুৱকক। ধৃত যুৱককেইজন ক্ৰমে চাহিল খান, হাফিজুৰ ইছলাম, ৰকিবুল হুছেইন, চাহিদুল ইছলাম, ইজাজ খান আৰু জাহিদুল ইছলাম। কামৰূপৰ ব্ৰহ্মপুত্ৰৰ বালিচৰত সংঘটিত হৈছিল এই ঘটনা। ঘটনাৰ সৈতে আৰু অধিক ব্যক্তি জড়িত থকাৰ সন্দেহ আৰক্ষীৰ। আৰক্ষীৰ জেৰাৰ পিছতহে পোহৰলৈ আহিব অধিক তথ্য।