শিৱসাগৰত ভাৰত ৰত্ন, সংবিধান প্ৰণেতা ড০ ভীমৰাও আম্বেদকাৰ “আদৰ্শ সন্মান”২০২২ বৰ্ষৰ বিশেষ সন্মান প্ৰদান অনুষ্ঠান সম্পন্ন। সদৌ শিৱসাগৰ জিলা অনুসূচিত জাতি ছাত্ৰ সন্থাৰ উদ্যোগত সংবিধানৰ প্ৰণেতাগৰাকীৰ মহাপ্ৰয়াণৰ দিনটোৰ লগত সংগতি ৰাখি এই বিশেষ সন্মান প্ৰদান কৰা হয়।
শিৱসাগৰৰ স্বেচ্ছাসেৱী অনুষ্ঠান ‘ঐক্য’ৰ কাৰ্যালয়ত এক গাম্ভীৰ্যপূৰ্ণ অনুষ্ঠানত অসম চৰকাৰৰ কৰ্মশ্ৰী বঁটা প্ৰাপক শিৱসাগৰ জিলাৰ অতিৰিক্ত উপায়ুক্ত বিতোপন নেওগক ভাৰতৰত্ন ড০ ভীমৰাও আম্বেদকাৰ “আদৰ্শ সন্মান”২০২২ বৰ্ষৰ সন্মান প্ৰদান কৰা হয়।
উক্ত বঁটা প্ৰদান অনুষ্ঠানত সদৌ অসম অনুসূচিত জাতি ছাত্ৰ সন্থাৰ কেন্দ্ৰীয় সাধাৰন সম্পাদ পৰশজ্যোতি দাস আৰু শিৱসাগৰ জিলা সমিতিৰ বিষয়ববীয়াৰ লগতে শিৱসাগৰৰ কেইবাজনো গণ্যমান্য ব্যক্তি উপস্থিত থাকে।