এটা ৰীলৰ বাবেই জীৱন-মৃত্যুৰে খেলা উদণ্ড যুৱকৰ। ৰে’লৰ তলত শুই বনালে ভিডিঅ’। সস্তীয়া জনপ্ৰিয়তাৰ বাবেই ভয়ংকৰ কাণ্ড যুৱকৰ।
বাইক বা চাৰিচকীয়া বাহনেৰে ষ্টাণ্ট নহয়। এইবাৰ ৰীল বনাবলৈকে শুলে ৰে’লপথত। শুই থকা অৱস্থাতে মূৰৰ ওপৰেৰে চলি গ’ল ৰে’ল। নিজৰ ম’বাইলেৰে আবদ্ধ কৰিলে শিহৰণকাৰী দৃশ্য। জীৱন-মৃত্যুৰে খেলা কৰা হাইলাকান্দিৰ উদণ্ড যুৱকক গ্ৰেপ্তাৰ কৰিলে আৰক্ষীয়ে। হাইলাকান্দিৰ লালাৰ ৰংপুৰৰ এলেকাৰ পৰা গ্ৰেপ্তাৰ যুৱকজনক। আৰক্ষীয়ে গ্ৰেপ্তাৰ কৰে পাপুল আলম বৰভূঞা নামৰ যুৱকজনক। ছ’চিয়েল মিডিয়াত চাঞ্চল্য সৃষ্টি কৰিবলৈ গৈ মৃত্যুৰে খেলা কৰিছিল যুৱকজনে।
