উত্তৰ-পূবৰ দুৱাৰমুখ গুৱাহাটী মহানগৰী এতিয়া যেন পৰ্যৱসিত হৈছে অপৰাধ আৰু অপৰাধীৰ ৰম্যভূমিলৈ। দৈনিক সংঘটিত হৈছে ইটোৰ পিছত সিটোকৈ ঘটনা। হত্যা, ধৰ্ষণ, চুৰিকাণ্ডৰ দৰে ঘটনাই সংবাদ মাধ্যমৰ শিৰোনাম দখল কৰাৰ সময়তে এইবাৰ সংঘটিত হৈছে এক চাঞ্চল্যকৰ ঘটনা। ভৰলু নৈত উদ্ধাৰ হৈছে নৱজাতকৰ মৃতদেহ। বিষ্ণুপুৰ GMC ক’লনীৰ সমীপত উদ্ধাৰ হয় মৃতদেহটো। দুদিন পূৰ্বে নৱজাতকটিক পেলাই থৈ যোৱাৰ সন্দেহ। ফুলি যোৱা অৱস্থাত আৱৰ্জনাৰ মাজত স্থানীয় ৰাইজে প্ৰত্যক্ষ কৰে শিশুটিৰ মৃতদেহ। বৰ্তমানেও উদ্ধাৰ হোৱা নাই নৱজাতকটিৰ পৰিচয়। পৰৱৰ্তী সময়ত ঘটনাস্থলীত আৰক্ষী উপস্থিত হৈ মৃতদেহ উদ্ধাৰ কৰি লৈ যায় GMCHলৈ।
