দৈনিক ইখনৰ পিছত সিখন বিদ্যালয়ত কভিডৰ জাল। এইবাৰ ৭ দিনলৈ বন্ধ আন এখন বিদ্যালয়। নলবাৰীৰ পানীগাওঁস্থিত দিল্লী পাব্লিক ছেকেণ্ডাৰী স্কুলৰ দুগৰাকীকৈ শিক্ষয়িত্ৰী ক’ভিডত আক্ৰান্ত হৈছে। যাৰ পৰিপ্ৰেক্ষিতত এসপ্তাহলৈ বিদ্যালয় বন্ধৰ নিৰ্দেশ জিলা প্ৰশাসনৰ। ৭ দিন ধৰি বিদ্যালয় বন্ধ ৰখাৰ কথা জনালে বিদ্যালয়খনৰ পৰিচালন সঞ্চালক প্ৰকাশ বৰ্মনে। কভিডত আক্ৰান্ত হোৱাৰ পিছতে শিক্ষক-শিক্ষয়িত্ৰী তথা ছাত্ৰ-ছাত্ৰীৰ ক’ভিড পৰীক্ষাৰ ব্যৱস্থা কৰিছে বিদ্যালয়ৰ কৰ্তৃপক্ষই। কণ কণ শিশুৰ যিহেতু ভেক্সিনেচন এতিয়াও হোৱা নাই, যাৰ বাবে আতংকিত হৈ পৰিছে অভিভাৱকসকল।
