নগাঁও ৰাজপথত চাঞ্চল্যকৰ ঘটনা। স্কুটি চালকে চোঁচৰাই নিলে যানবাহন নিয়ন্ত্ৰণ শাখাৰ এজন সহকাৰী উপ পৰিদৰ্শকক। শুকুৰবাৰে দিনৰ ভাগত সংঘটিত হৈছে এই ঘটনা। নগাঁও মহাবিদ্যালয় চ’কত যানবাহন নিয়ন্ত্ৰণ শাখাৰ সহকাৰী উপ পৰিদৰ্শকজনক চোঁচৰাই নিয়ে স্কুটী চালকে।
যানবাহন আইন অমান্য কৰা চালকৰ বিৰুদ্ধে অভিযান চলাই থকা অৱস্থাত নগাঁও হেলমেট পৰিধান নকৰাকৈ AS-02L-1023 নম্বৰৰ স্কুটি এখনত অহা দুই যুৱকক ৰখিবলৈ নিৰ্দেশ দিয়ে ট্ৰেফিকে৷ কিন্তু ট্ৰেফিকৰ নিৰ্দেশ অমান্য কৰি পলায়নৰ চেষ্টা চলোৱা যুৱকজনক বাধা দিয়ে যান-বাহন আৰক্ষীৰ সহকাৰী উপ-পৰিদৰ্শক নিৰঞ্জন দিহিঙীয়াই৷ যুৱক দুজনক স্কুটীত ধৰি ৰখোৱাৰ চেষ্টা কৰে যদিও উপ পৰিদৰ্শক জনক ৰাজপথৰে চোঁচৰাই পলায়নৰ চেষ্টা চলায় স্কুটি চালক মুচাহিদ ৰফিকুল আহমেদে। পিছত উপস্থিত আৰক্ষীয়ে খেদি খেদি কৰায়ত্ত কৰে স্কুটি চালক মুচাহিদ ৰফিকুল আহমেদক। ধৃত মুচাহিদ ৰফিকুল আহমেদৰ ঘৰ নগাঁৱৰ হয়বৰগাঁৱত বুলি জানিব পৰা গৈছে।
