দিল্লীৰ বিধানসভা নিৰ্বাচনৰ প্ৰাকমুহূৰ্তত আন আন দল সমূহৰ লগতে বিজেপিয়েও গ্রহণ কৰিছে নির্বাচনী তৎপৰতা। দলটো ক্ষমতালৈ আহিলে গৰ্ভৱতী মহিলাৰ বাবে ২১ হাজাৰ টকা, মহিলা ভোটাৰক প্ৰতিমাহে ২৫০০ টকা, এল পি জি চিলিণ্ডাৰৰ বাবে ৫০০ টকাৰ ৰাজসাহায্য প্ৰদানৰ প্ৰতিশ্ৰুতি দিছে বিজেপিয়ে। ৫ ফেব্ৰুৱাৰীত অনুষ্ঠিত হ’বলগীয়া দিল্লী বিধানসভা নিৰ্বাচনৰ পূৰ্বে দলটোৰ ‘সংকল্প পত্ৰ’ মুকলি কৰি বিজেপিৰ সভাপতি জে পি নড্ডাই আয়ুষ্মান ভাৰতৰ অধীনত ৫ লাখ টকাৰ অতিৰিক্ত কভাৰৰ কথাও ঘোষণা কৰে – সাধাৰণতে কেন্দ্ৰৰ বীমা আঁচনিৰ অধীনত প্ৰতি বছৰে প্ৰতিটো পৰিয়ালত ৫ লাখ টকাৰ স্বাস্থ্য কভাৰ প্ৰদান কৰা হয়।
