কাজিৰঙা ৱাইল্ডলাইফ ছ’চাইটিৰ উদ্যোগত প্ৰকৃতি-বন্যপ্ৰাণী বিষয়ক মুকলি কুইজ প্ৰতিযোগিতা

পৰিৱেশ সংৰক্ষণৰ ক্ষেত্ৰত কাম কৰি অহা স্বেচ্ছাসেৱী সংগঠন কাজিৰঙা ৱাইল্ডলাইফ ছ’চাইটিৰ উদ্যোগত আৰু গুৱাহাটী কমাৰ্চ কলেজ ছাত্ৰ একতা সভাৰ সহযোগত ধৰিত্ৰী দিৱস উপলক্ষে আজি প্ৰকৃতি-বন্যপ্ৰাণী বিষয়ক মুকলি কুইজ প্ৰতিযোগিতা অনুষ্ঠিত হয়। ‘সেউজী ধৰণী ধুনীয়া’ শীৰ্ষক প্ৰতিযোগিতাখনত বিজয়ী হয় মৃদুল ৰাম কলিতা আৰু বিশ্বজিৎ শৰ্মাৰ দল৷ বিজয়ী দললৈ স্বাধীনতা সংগ্ৰামী প্ৰয়াত পানীৰাম দাসৰ সোঁৱৰণত বঁটা আগবঢ়োৱা হয়। দ্বিতীয় আৰু তৃতীয় পুৰস্কাৰ লাভ কৰে ক্ৰমে কমল মেধি, ৰিদ্ধিক পৰাশৰ আৰু ৰুবুল কলিতা, ভুপাল শৰ্মাৰ দল৷ শ্ৰেষ্ঠ দৰ্শকৰ বঁটা লাভ কৰে বিক্ৰম দ্বীব ডেকাই।

প্ৰথম তিনিটা স্থানপ্ৰাপ্ত দললৈ ৫, ৩, ২ হেজাৰ টকা, গ্ৰন্থ আৰু প্ৰমাণপত্ৰ আগবাঢ়োৱা হয়। ইয়াৰ লগতে দশম শ্ৰেণী পৰ্যন্ত ছাত্ৰছাত্ৰীৰ মাজত এখন একক লিখিত কুইজ প্ৰতিযোগিতাও অনুষ্ঠিত হয়। স্কুল কুইজত বিজয়ী হয় গুৰুকুল গ্ৰামাৰ স্কুলৰ ত্ৰিনাভ কাশ্যপ৷ দিনৰ ১০ বজাৰপৰা গুৱাহাটী কমাৰ্চ কলেজৰ ড০ ভগৱান চন্দ্ৰ লহকৰ প্ৰেক্ষাগৃহত অনুষ্ঠিত হোৱা প্ৰতিযোগিতা পৰিচালনা কৰে দিলীপ কুমাৰ শৰ্মা, মুবিনা আখতাৰ আৰু দীপাংকৰ কৌশিকে। বঁটা বিতৰণী অনুষ্ঠানত উপস্থিত থাকে হস্তীকন্যা খ্যাত পাৰ্বতী বৰুৱা, ছ’চাইটিৰ প্ৰাক্তন সভাপতি অৱণী বৰুৱা, পৰিৱেশ কৰ্মী জয়ন্ত কুমাৰ দাস, চন্দন কুমাৰ দুৱৰা, অজয় লহকৰ, গীতাঞ্জলি লহকৰ। অনুষ্ঠানৰ আঁত ধৰে জ্যেষ্ঠ সাংবাদিক তথা কাজিৰঙা ৱাইল্ডলাইফ ছ’চাইটিৰ কাৰ্যকৰী সভাপতি প্ৰণয় বৰদলৈয়ে। অনুষ্ঠানৰ শেষত গুৱাহাটী কমাৰ্চ কলেজ ছাত্ৰ একতা সভাৰ লগতে অধ্যাপক ড০ জি জি বণিক, ড০ ইন্দ্ৰজিৎ শৰ্মা, কৃষ্ণ বৰুৱা, যুগদা ভূঞাক তেওঁলোকৰ সহযোগিতাৰ বাবে ছ’চাইটিৰ তৰফৰপৰা ধন্যবাদ জনোৱা হয়।

NKTV Digital
Author: NKTV Digital

9 COMMENTS

LEAVE A REPLY

Please enter your comment!
Please enter your name here

Popular

More like this
Related

১৫ বছৰৰ অনুৰ্ধ্ব ছোৱালীৰবাবে নৰ্থ ইষ্ট ৰাইজিং কাপ ঘোষণা অসম ক্ৰিকেট সন্থাৰ

দেশৰ উত্তৰ-পূব অঞ্চলত তৃণমূল পৰ্যায়ৰ মহিলা ক্ৰিকেটৰ প্ৰসাৰ আৰু...

ভাৰত-পাকিস্তান সংঘাতত হস্তক্ষেপ নকৰে আমেৰিকাই

আমেৰিকাৰ উপ-ৰাষ্ট্ৰপতি জে ডি ভান্সে বৃহস্পতিবাৰে স্পষ্ট কৰিছে যে,...

যোগ অলিম্পিয়াড, ৩২গৰাকী প্ৰতিযোগীৰ মাজত মহাৰণ

ডায়েট ধেমাজিত বৃহস্পতিবাৰে জিলা পৰ্যায়ৰ যোগ অলিম্পিয়াড অনুষ্ঠিত হয়।...

‘অপাৰেচন সিন্দূৰ’ৰ আঁৰত আছে প্ৰধানমন্ত্ৰী নৰেন্দ্ৰ মোদীৰ এজন বিশ্বস্ত বিষয়া…

অপাৰেচন সিন্দূৰৰ সফলতাৰ আঁৰত আছে প্ৰধানমন্ত্ৰী নৰেন্দ্ৰ মোদীৰ আটাইতকৈ...