মহানগৰীৰ ৰাণীত শতাধিক লোকৰ প্ৰতিবাদ। ৰাণী ব্লক স্থানান্তৰ কৰাক লৈ প্ৰতিবাদ ৰাইজৰ। ১৯৫৬ চনতেই স্থাপন কৰা হৈছিল ঐতিহাসিক ৰাণী ব্লক। সমষ্টি পুনৰ নিৰ্ধাৰণৰ পাছত ৰাণী ব্লকৰ সৰহসংখ্যক লোক অন্তৰ্ভুক্ত হয় পলাশবাৰী সমষ্টিত। ইয়াৰ পাছতেই ৰাণী ব্লক উঠাই নিয়া যো জা চলাইছে চৰকাৰে। ৰাণী ব্লক উঠাই নি পলাশবাৰীৰ ঝাৰোবৰীত স্থাপন কৰাৰ লক্ষ্য প্ৰশাসনৰ। যাৰ বাবে সমস্যাৰ সন্মুখীন হ’ব ৰাণীৰ অঞ্চলৰ লগতে পাহাৰীয়া লোকসকল। সেইবাবেই ওলাই আহিল ৰাণীত শতাধিক লোক। এতিয়াJ দৰে আগলৈও ৰাণী ব্লকতে কাম চলি থকাৰ দাবী প্ৰতিবাদকাৰীৰ।
ৰাণী ব্লক স্থানান্তৰ সিদ্ধান্তৰ বিৰুদ্ধে ভিন্ন সময়ত প্ৰতিবাদ কৰি আহিছে লোকসকলে। আজিও শতাধিক পুৰুষ-মহিলা ওলাই আহি সাব্যস্ত কৰিলে প্ৰতিবাদ। ৰাণী ব্লকৰ অধীনৰ মেঘালয় সীমান্তৰ লোকসকলৰ হুংকাৰ, যদিহে চৰকাৰে এই কাৰ্যালয় উঠাই নিয়ে তেন্তে তেওঁলোক চামিল হব মেঘালয়ৰ লগত।
All Assam tribal sangha, ৰাণী পাহাৰীয়া জনজাতীয় ৰাইজ, ৰূপকোঁৱৰ কলা পৰিষদৰ পুৰুষ মহিলাই উলিয়াই এক প্ৰতিবাদী সমদল। ৰাণীৰ উন্নয়ন খণ্ডত উন্নয়ন বিষয়াৰ জড়িয়তে জিলা আয়ুক্তলৈ প্ৰেৰণ কৰে স্মাৰক পত্ৰও। ইয়াৰ পাছত জিলা প্ৰশাসন তথা চৰকাৰে কি ব্যৱস্থা গ্ৰহণ কৰে সেইয়া হ’ব লক্ষণীয়
