আজি পুনৰ বৃদ্ধি পালে পেট্ৰ’ল-ডিজেলৰ দাম। ১০ দিনত ৯ বাৰ বৃদ্ধি পালে পেট্ৰ’ল-ডিজেলৰ দাম। আজি প্ৰতিলিটাৰ পেট্ৰ’লত ৮৯ পইচা দাম বৃদ্ধি পালে অসমত। আনহাতে, প্ৰতিলিটাৰ ডিজেলত বৃদ্ধি পালে ৮৪ পইচাকৈ। গুৱাহাটীত আজি পেট্ৰ’লৰ দাম হ’লগৈ ১০১.৬৭ টকা। প্ৰতিলিটাৰ ডিজেলত গুৱাহাটীত দাম ৮৭.৫৯ টকা। ঢকুৱাখনাত প্ৰতিলিটাৰ পেট্ৰ’লৰ দাম ১০৪.৯৯ টকা। মাজুলীত পেট্ৰ’লৰ দাম প্ৰতিলিটাৰত ১০৪.১৩ টকা। আনহাতে, অসমৰ ভিতৰত সৰ্বাধিক বৰপেটাৰোডত পেট্ৰ’লৰ দাম প্ৰতিলিটাৰত ১০৬.২৫ টকা। ডবকাত আজি পেট্ৰ’লৰ দাম ১০২.৫৬ টকা, ডিজেলৰ ৮৮.৪৪ টকা। পেট্ৰ’পণ্যৰ অভাৱনীয় মূল্যবৃদ্ধিয়ে কোঙা কৰিছে ৰাজ্যৰ সৰ্বসাধাৰণক। ১০ দিনত ৭ টকাতকৈও অধিক বাঢ়িল প্ৰতিলিটাৰ পেট্ৰ’লৰ মূল্য। দৈনিক ৰাজ্যৰ ন ন প্ৰান্তত শতকৰ ঘৰ অতিক্ৰম কৰিছে পেট্ৰ’লৰ দামে।
