১২ ঘণ্টাৰ ভিতৰত ৰাজ্যত সংঘটিত হ’ল দুটাকৈ এনকাউণ্টাৰৰ ঘটনা। বিশ্বনাথৰ পিছত এইবাৰ দিছপুৰ আৰক্ষীৰ এনকাউণ্টাৰ। আৰক্ষীৰ গুলীত আহত ইৰাণী গ্ৰুপৰ সদস্য। পলাবলৈ চেষ্টা কৰোতেই কলাক্ষেত্ৰৰ সমীপত আৰক্ষীয়ে গুলীয়ালে ইৰাণী গ্ৰুপৰ সদস্য অমৰ গোৱালাক।
শুকুৰবাৰে দিছপুৰ আৰক্ষীৰ জালত পৰিছিল অমৰ গোৱালা। পৌৰ নিগমৰ ধন লুট কৰিছিল ৪জনীয়া চক্ৰই। ঝাৰখণ্ডৰ পৰা আহিছিল ৪ জনীয়া দলটো। পুতলা পিষ্টল দেখুৱাই লুট কৰিছিল ৩ লাখ ৩৫ হাজাৰ টকা। অমৰ গোৱালাৰ উপৰি আন ৩ সদস্য পলাতক। গুলীবিদ্ধ অমৰ গোৱালাক সম্প্ৰতি ভৰ্তি কৰোৱা গুৱাহাটী মেডিকেল কলেজ হাস্পতালত।
