গহপুৰৰ চন্দামাৰী বঙালী গাঁৱত চাঞ্চল্যকৰ হত্যাকাণ্ড। স্বামীয়ে হত্যা কৰিলে নিজ পত্নীক। স্বামী ৰাজেশ ওৰাঙে পত্নীক হত্যা কৰি পুতি থলে গাঁতত। উল্লেখ্য যে, মঙলবাৰে নিশা চন্দামাৰী বঙালী গাৱঁৰ ৰাজেশ ওৰাঙ নামৰ লোকজনে অত্যাধিক মদ্যপান কৰি আহি ঘৰৰসকলোকে মাৰধৰ কৰে। ৰাজেশে এখন পিৰাৰে পত্নীৰ মূৰত প্ৰহাৰ কৰাত মৃত্যু হয় পত্নী দময়ন্তী ওৰাঙৰ। ৰাজেশৰ মাৰধৰৰ পৰা কোনোমতে প্ৰাণ ৰক্ষা পৰে মাতৃৰ।
মৃত পত্নীক এখন নদীৰ পাৰত পুতি থয় ৰাজেশ ওৰাঙে। কেইবাদিনো বিচাৰ খোচাৰ কৰাৰ অন্তত আজি পুৱা ঘৰৰ কাষেৰে বৈ যোৱা এখন নদীৰ পাৰত পুতি থোৱা অৱস্থাত মৃতদেহটি উদ্ধাৰ কৰে। উল্লেখ্য যে ইয়াৰ পূৰ্বেও ৰাজেশৰ ওপৰত নিজ পিতৃক হত্যা কৰাৰ অভিযোগ আছে। ঘটনাস্থলীত হেলেম আৰক্ষী,দণ্ডাধীশ উপস্থিত হৈ মৃতদেহটি উদ্ধাৰ কৰে আৰু কৰায়ত্ব কৰে স্বামী ৰাজেশ ওৰাঙক।
