প্ৰধানমন্ত্ৰীৰ মুখত তিনিচুকীয়াৰ এখন গাঁৱৰ নাম

প্ৰধানমন্ত্ৰীৰ মুখত তিনিচুকীয়াৰ এখন গাঁৱৰ নাম। মোদীৰ ‘মন কী বাত’ত বাৰেকুৰীৰ হলৌ বান্দৰৰ প্ৰসংগ। বাৰেকুৰীবাসীক প্ৰশংসাৰে উপচালে প্ৰধানমন্ত্ৰীয়ে।

চৰকাৰ–প্ৰশাসনৰ গুৰুত্ব নাথাকিলেও বিৰল প্ৰজাতিৰ এক প্ৰাণীৰ বাবেই প্ৰখ্যাত হৈছে – অসমৰ প্ৰান্তীয় জিলা তিনিচুকীয়াৰ বাৰেকুৰী নামৰ গাওঁখন। আধুনিক সা-সুবিধাৰ পৰা বঞ্চিত গাওঁখন চৰ্চিত হৈছে – হলৌ বান্দৰৰ বাবে। এইখনেই বাৰেকুৰী গাঁও। গঞাৰ মৰম-আদৰত বছৰ বছৰ ধৰি বাৰেকুৰীত নিৰাপদে বাস কৰি আহিছে – হলৌ বান্দৰৰ কেইবাটাও জাকে। এই বাৰেকুৰী আৰু হলৌ বান্দৰেই স্থান পালে প্ৰধানমন্ত্ৰী মোদীৰ মাহেকীয়া ৰেডিঅ’ অনুষ্ঠান মন কী বাতত।

প্ৰধানমন্ত্ৰীৰ হলৌ বান্দৰৰ উল্লেখে বাৰেবুৰীলৈ আনিছে আশাৰ বতৰা। উলাহে নধৰা হিয়া বাৰেকুৰীবাসীৰ বাবে।

হলৌ বান্দৰ চাবলৈ বাৰেকুৰীলৈ পৰ্যটক যায় যদিও পৰ্যটকৰ বাবে প্ৰশাসন তথা চৰকাৰে বিশেষ পদক্ষেপ গ্ৰহণ কৰা নাই। গাওঁখনত বৈদ্যুতিক তাঁৰত লাগি আৰু অচিন ৰোগত কেইবাটাও হলৌ বান্দৰৰ মৃত্যু হৈছিল। স্থানীয় ৰাইজৰ আশা প্ৰধানমন্ত্ৰীয়ে মন কী বাতত বাৰেকুৰী হলৌ বান্দৰৰ প্ৰসংগ তুলি ধৰাৰ পিছত চৰকাৰ প্ৰশাসনে গুৰুত্ব দিব। প্ৰধানমন্ত্ৰীৰ নিৰ্দেশমৰ্মে চৰকাৰে হলৌ বান্দৰ সংৰক্ষণ তথা পৰ্যটনৰ বাবে বিশেষ পদক্ষেপ গ্ৰহণ কৰিব বুলি বাৰেকুৰী গাঁৱৰ ৰাইজে আশা কৰিছে।

বিৰল প্ৰজাতিৰ হলৌ বান্দৰক গাওঁখনত থকাৰ পৰিৱেশ প্ৰদান কৰি গাওঁবাসীয়ে বন্যপ্ৰাণী প্ৰীতিৰ সুন্দৰ নিৰ্দশন দাঙি ধৰিছে। এই কথা উল্লেখ কৰি প্ৰধানমন্ত্ৰী নৰেন্দ্ৰ মোডীয়ে বাৰেকুৰীবাসীৰ প্ৰতি সন্মান প্ৰদৰ্শন কৰিলে। এতিয়া বাকী দায়িত্ব চৰকাৰ, বন বিভাগ প্ৰশাসনৰ।

Popular

More like this
Related

ছইফ আলী খানৰ পৰিয়ালে হেৰুৱাব পূৰ্বপুৰুষৰ সম্পত্তি!

নিজৰ বাসগৃহত অবৈধ বাংলাদেশীৰ হাতত প্ৰহৃত ঘটনাৰ বিষয়ে আপুনি...

কামাখ্যা মন্দিৰ চৌহদত চলিল EDৰ অভিযান, ৭.৬২ কোটি টকাৰ কেলেংকাৰিৰ তথ্য

কামাখ্যা মন্দিৰ চৌহদত চলিল দেশৰ এক তদন্তকাৰী সংস্থাৰ অভিযান।...

ৰাহুল গান্ধীক কংগ্ৰেছ নেতাৰ বিৰুদ্ধে অখিল গগৈৰ অভিযোগ!

মিত্ৰতাক লৈ প্ৰদেশ কংগ্ৰেছৰ নেতৃত্বৰ বিৰুদ্ধে ৰাহুল গান্ধীক পত্ৰ...

শ্বুটিং আছে, সাহিত্য সভাৰ পাঠশালা অধিৱেশনলৈ নাযায় জুবিন গাৰ্গ

পাঠশালা সাহিত্য সভাৰ অনুষ্ঠানত উপস্থিত নাথাকিব কণ্ঠশিল্পী জুবিন গাৰ্গ।...