বিপদে যেন লগ নেৰা হৈছে ৰাজ্যৰ জনতাৰ। বানৰ পিছতেই ৰাজ্যত এইবাৰ জাপানীজ এনকেফেলাইটিছৰ সংহাৰী ৰূপ। কামপুৰত JEত আক্ৰান্ত হৈ এজনৰ মৃত্যু। মৃত লোকজন কঠিয়াতলীৰ টংকেশ্বৰ বৰা। গুৱাহাটীৰ ব্যক্তিগত হাস্পতালত চিকিৎসাধীন হৈ আছিল বৰা। টংকেশ্বৰ বৰাৰ মৃত্যুত আতংকিত কঠিয়াতলী ৰাইজ। নগাঁৱৰ পুৰণিগুদামতো জাপানীছ এনকেফেলাইটিছৰ প্ৰাদুৰ্ভাৱ। পুৰণিগুদামৰ হাতীগাঁৱৰ এগৰাকী মহিলা JEত আক্ৰান্ত। আক্ৰান্ত মহিলাগৰাকী ৬০ বছৰীয়া অঞ্জুমণি হাজৰিকা। JEত আক্ৰান্ত অঞ্জুমণি হাজৰিকা বৰ্তমান গুৱাহাটীত চিকিৎসাধীন। মহিলাগৰাকী আক্ৰান্ত হোৱাৰ পাছতে গাঁওখনত স্বাস্থ্য বিভাগৰ তৎপৰতা। গাঁওখনত ফ’গিঙৰ ব্যৱস্থা লগতে লৈছে সজাগতামূলক ব্যৱস্থা। কাৰ্বি আংলঙতো JEত আক্ৰান্ত হৈ মৃত্যু হয় এটি শিশুৰ। কাৰ্বি আংলঙত বৰ্তমানলৈকে ১১জন লোক আক্ৰান্ত হৈছে JEত। ডিফু চিকিৎসা মহাবিদ্যালয় হাস্পতালত বৰ্তমানো চিকিৎসাধীন ৯ JEত আক্ৰান্ত।
