গুৱাহাটী, ২ জুলাই, NKTV: প্ৰকাশ পালে NDA (National Defence Academy)ৰ লিখিত পৰীক্ষাৰ ফলাফল। জুন মাহৰ ৩০ তাৰিখে প্ৰকাশ পোৱা NDAৰ ফলাফলৰ পিছতেই ঘোষণা কৰা হৈছে প্ৰ-পত্ৰ জমা দিয়া তাৰিখ। দুসপ্তাহৰ ভিতৰত উচ্চতৰ মাধ্যমিক (HS)পৰীক্ষাত উৰ্ত্তীণ হোৱা ছাত্ৰ-ছাত্ৰীয়ে জমা দিব লাগিব প্ৰমাণপত্ৰ। কিন্তু পৰিতাপৰ বিষয় যে অসমৰ যি সকল ছাত্ৰ-ছাত্ৰীয়ে এই পৰীক্ষাত উত্তীৰ্ণ হ’ল তেওঁলোকে কিন্তু জমা দিব নোৱাৰিব নিজৰ প্ৰমাণপত্ৰ। কিয়নো দুসপ্তাহৰ ভিতৰত অসমৰ শিক্ষা বিভাগে প্ৰকাশ কৰিব নোৱাৰিব ছাত্ৰ-ছাত্ৰীৰ ৰিজাল্ট। ইয়াৰ ওপৰিও আটাইতকৈ গুৰুত্বপূৰ্ণ কথাটো হ’ল যে, এইবাৰ উচ্চতৰ মাধ্যমিক (HS)পৰীক্ষাত উৰ্ত্তীণ হোৱা অসমৰ ছাত্ৰ-ছাত্ৰীসকলে উত্তীৰ্ণ হোৱা প্ৰমাণ পত্ৰৰে কোনো ধৰণৰ চাকৰিৰ বাবে আবেদন কৰিব নোৱাৰিব।
