স্বাক্ষৰিত হ’ল বঙাইগাঁও জিলা প্রশাসন আৰু বঙাইগাঁও শােধনাগাৰৰ মাজত বুজা বুজিৰ চুক্তি

গুৱাহাটী, ২৫ জুন, NKTV: মুখ্যমন্ত্রী ড° হিমন্ত বিশ্ব শৰ্মাৰ উপস্থিতিত আজি জনতা ভৱনস্থিত মুখ্যমন্ত্ৰীৰ সভাকক্ষত ইণ্ডিয়ান অইল কপৰেশ্যন লিমিটেড, বঙাইগাঁও শােধনাগাৰ আৰু বঙাইগাঁও জিলা প্রশাসনৰ মাজত এখন বুজা বুজিৰ চুক্তি স্বাক্ষৰিত হয়। স্বাক্ষৰিত কৰা এই বুজা বুজিৰ চুক্তি অনুসৰি বঙাইগাঁও শােধনাগাৰে ২,৭৯,৬৬,০০০ টকা ব্যয়ৰে বঙাইগাঁও অসামৰিক হাস্পতালত এটা মেডিকেল অক্সিজেন জেনেৰেশ্যন প্লেন্ট স্থাপন কৰিব। তদুপৰি ৩,৭৮,৮৫,০০০ টকা ব্যয়ৰে হাস্পতালখনত এটা নিউট্রিশন ৰিহেবিলিটেশ্যন চেন্টাৰ/ মাতৃ আৰু শিশু ৱার্ড স্থাপন কৰিব। মুখ্যমন্ত্রী ড° শৰ্মাই বঙাইগাঁও শােধনাগাৰে গ্ৰহণ কৰা এই পদক্ষেপৰ শলাগ লােৱাৰ উপৰি এই পদক্ষেপে জিলাখনৰ স্বাস্থ্য আন্তঃগাঁথনি শক্তিশালী কৰিব বুলিও কয়। মুখ্যমন্ত্রী ড° শৰ্মাই মাতৃ আৰু শিশু ৱার্ড স্থাপনৰ দিশত এগৰাকী পেছাদাৰী স্থপতি নিয়ােজিত কৰাৰ পদক্ষেপ ল’বলৈ বঙাইগাঁও জিলা উপায়ুক্তক নির্দেশ দিয়ে যাতে উক্ত বিল্ডিংটোত প্রয়ােজনীয় সকলাে সা-সুবিধাৰ ব্যৱস্থা কৰিব পৰা যায়। উল্লেখ্য যে আজিৰ এই বুজাবুজিৰ চুক্তিত জিলা প্রশাসনৰ হৈ বঙাইগাঁও জিলাৰ উপায়ুক্ত এম এছ লক্ষ্মীপ্রিয়া আৰু আই অ’ চি এল, বঙাইগাঁও শােধনাগাৰ হৈ উপ-মহাপ্রবন্ধক (চি চি এণ্ড চি এছ আৰ) সীতা বৰুৱাই স্বাক্ষৰ কৰে। আজিৰ এই অনুষ্ঠানত বঙাইগাঁও সমষ্টিৰ বিধায়ক ফণীভূষণ চৌধুৰী, মুখ্যমন্ত্রীৰ প্রধান সচিব সমীৰ কুমাৰ সিনহা, বঙাইগাঁও শােধনাগাৰৰ কাৰ্যবাহী সঞ্চালক তথা শােধনাগাৰ মুৰব্বী সিদ্ধার্থ পি বৰুৱাৰ লগতে অন্যান্য বিষয়াসকল উপস্থিত থাকে।

NKTV Digital
Author: NKTV Digital

Popular

More like this
Related

অষ্ট্ৰেলিয়াত বসবাস কৰা প্ৰৱাসী অসমীয়াৰ সৈতে অসম বিধানসভাৰ অধ্যক্ষ ৰণজিৎ কুমাৰ দাসৰ মত-বিনিময়

ফিজিত অনুষ্ঠিত কমনৱেলথ ওমেন পাৰ্লিয়ামেণ্টেৰীয়ান ৱৰ্কশ্বপৰ ষ্টাডি ট্যুৰৰ অংশ...

আন্তঃৰাষ্ট্ৰীয় মঞ্চত উজলিল অসমীয়া ছবি ‘আদিশক্তি’, লাছ ভেগাছ ইণ্ডি এৱাৰ্ডত ‘শ্ৰেষ্ঠ ছবি’ৰ সন্মান

মুক্তিৰ পূৰ্বেই ৰাষ্ট্ৰীয় আৰু আন্তঃৰাষ্ট্ৰীয় পৰ্যায়ত অসমীয়া চলচ্চিত্ৰ জগতলৈ...

চীনত ট্ৰাম্প, জিনপিং আৰু পুটিনৰ ঐতিহাসিক বৈঠক: বিশ্ব ৰাজনীতি আৰু ইউক্ৰেইন যুদ্ধক লৈ কি আলোচনা হ’ল?

আমেৰিকাৰ ৰাষ্ট্ৰপতি ড’নাল্ড ট্ৰাম্প, চীনৰ ৰাষ্ট্ৰপতি ঝি জিনপিং আৰু...