ৰাজ্যত হাতী মৰিয়েই আছে…

ৰাজ্যত হাতী মৰিয়েই আছে
কেতিয়াবা সংঘাত, কেতিয়াবা বন বিভাগৰ বিফলতা

কিন্তু সকলোৰে মূৰকত ৰাজ্যৰ পৰিৱেশ পাৰিপাৰ্শ্বিকতালৈ বিশেষ অৱদান আগবঢ়োৱা এটা প্ৰাণীয়ে মৃত্যুক সাৱটি লোৱা কৰুণ খবৰবোৰ আমালৈ আহিয়েই আছে। এইবাৰ ঘটনাৰ স্থান লংকাৰ লস্কৰ পথাৰ। লস্কৰ পথাৰৰ ফৰমাৰপাত এঘৰ লোকৰ কুঁহিয়াৰৰ খেতিৰ মাজত অসুস্থ হৈ পৰি আছিল এটা হাতী। সেয়া শুকুৰবাৰৰ কথা। পুৱাই বনাঞ্চলৰ পৰা জনাঞ্চললৈ ওলাই আহিছে হাতীটো। অসুস্থ হাতীটো দেখি স্থানীয় ৰাইজে খবৰ দিয়ে বন বিভাগক। ষ্টাফ নথকাৰ বাবে হেনো সন্ধিয়ালৈহে যথাস্থানত উপস্থিত হল বন বিভাগৰ লোক। কিন্তু প্ৰয়োজনীয় চিকিৎসা প্ৰদান কৰাৰ পূৰ্বেই শনিবাৰলৈ কৰুণ মৃত্যুক সাৱটি লগা হল হাতীটোৱে।

কিন্তু বনৰীয়া হাতীটোৰ মৃত্যুক এক সাধাৰণ মৃত্যু বুলিহে মন্তব্য প্ৰদান কৰে বিভাগীয় কৰ্তৃপক্ষই।

বন বিভাগৰ অমনোযোগিতাৰ বাবেই এনে হ’ল নেকি?
প্ৰয়োজনীয় চিকিত্সা পোৱা হ’লে হাতীটো বাছি নাথাকিলহেঁতেননে?

ইয়াৰ উত্তৰ যিয়ে নহওক। আমি পূৰ্বতেই কোৱাৰ দৰে এজনে আনজনলৈ দোষ ঠেলি থকাৰ মাজতে এটা হাতী পুনৰ মৰিল। ইতিমধ্যে হাতীটোৰ মৃত্যুৰ কাৰণ জানিবৰ বাবে চেম্পল ফৰেনছিকলৈ পঠোৱাৰ ব্যৱস্থা কৰাৰ লগতে সৎকাৰৰ ব্যৱস্থা গ্ৰহণ কৰিছে বিভাগীয় কৰ্তৃপক্ষই। কিন্তু মূল কথাটো হল মৃত্যুৰ কাৰণ জানিলেও এই নিষ্পাপ জীৱটো আৰু কেতিয়াও উভটি নাহে!

NKTV Digital
Author: NKTV Digital

Popular

More like this
Related

ইজৰাইলত নতুন চৰকাৰ গঠনৰ তৎপৰতা, নেতানিয়াহুৰ লিকুড পাৰ্টিক আলোচনালৈ আমন্ত্ৰণ গাডি আইজেনকটৰ

ইজৰাইলত নতুন চৰকাৰ গঠনৰ প্ৰক্ৰিয়াক লৈ ৰাজনৈতিক তৎপৰতা বৃদ্ধি...

গুজৰাটৰ কচ্ছত ভয়ংকৰ পথ দুৰ্ঘটনা, একেটা পৰিয়ালৰ তিনি শিশুসহ ৭জনৰ মৃত্যু

গুজৰাটৰ কচ্ছ জিলাত সংঘটিত এক ভয়ংকৰ পথ দুৰ্ঘটনাত তিনিটা...

অপাৰেচন সিন্দূৰৰ সময়ত পাকিস্তানক চীনৰ সমৰ্থন,ভাৰতৰ উত্থান ৰোধৰ কৌশল চীনৰ : আমেৰিকান কমিটী

ভাৰতৰ ক্ৰমবৰ্ধমান শক্তি আৰু আঞ্চলিক প্ৰভাৱ সীমিত কৰাৰ লক্ষ্যৰে...