মাজুলীৰ এলেঙি নৰসিংহ সত্ৰৰ সত্ৰাধিকাৰৰ দেহাৱসান। ৮৫ বছৰ বয়সত পৰলোক প্ৰাপ্তি সত্ৰাধিকাৰ ললিত চন্দ্ৰ মহন্তৰ। পুৱা ৭ বজাত যোৰহাট মেডিকেল কলেজত মৃত্যু হয় সত্ৰাধিকাৰগৰাকীৰ। বাৰ্ধক্যজনিত ৰোগত আক্ৰান্ত মহন্তৰ দুবছৰ পূৰ্বে স্বাস্থ্যৰ অৱনতি ঘটিছিল। প্ৰায় এবছৰ ধৰি JMCHত চিকিৎসাধীন হৈ আছিল ললিত চন্দ্ৰ মহন্ত। প্ৰয়াত মহন্ত এগৰাকী মুখাশিল্পীৰ লগতে আছিল অৱসৰপ্ৰাপ্ত প্ৰধান শিক্ষক। ২০২০ চনত সত্ৰাধিকাৰ হিচাপে নিৰ্মালী গ্ৰহণ কৰিছিল মহন্তই। সত্ৰাধিকাৰ গৰাকীৰ মৃত্যুত শোকাকুল পৰিৱেশে বিৰাজ কৰিছে মাজুলীত।
