ৰাজ্য জোকাৰি যোৱা নগাঁৱৰ মৰিকলং ডকাইতি কাণ্ডৰ ভুক্তভোগী ৰূপৰেখা ভূঞাৰ মৃত্যু। ২৪ এপ্ৰিলত মৰিকলঙত ডাঃ ৰঞ্জিত শইকীয়াৰ বাসগৃহত হৈছিল ডকাইতি। ডকাইতে আক্ৰমণ কৰিছিল ৰঞ্জিত শইকীয়াৰ লগতে পত্নী ৰূপৰেখা ভূঞাক। ডকাইতৰ ৰডৰ আক্ৰমণত গুৰুতৰভাৱে আহত হৈছিল ডাঃ ৰঞ্জিত শইকীয়া আৰু ৰূপৰেখা ভূঞা।
দুয়োকে পৰৱৰ্তী সময়ত ভৰ্তি কৰোৱা হৈছিল গুৱাহাটীৰ এখন ব্যক্তিগত চিকিৎসালয়ত। অৱশেষত আজি পুৱতি নিশা চিকিৎসাধীন অৱস্থাতে মৃত্যুক সাৱটি ল’লে ৰূপৰেখা ভূঞাই।
ঘটনা সন্দৰ্ভত আৰক্ষীয়ে অব্যাহত ৰাখিছে তদন্ত। নগাঁও আৰক্ষীয়ে ইতিমধ্যে গ্ৰেপ্তাৰ কৰিছে মুঠ ৬টাকৈ ডকাইতক। শনিবাৰে ৩টা ডকাইতক গ্ৰেপ্তাৰ কৰে লখিমপুৰৰ পৰা।
ডকাইতকেইটাৰ পৰা এখন গাড়ীও জব্দ কৰিছে আৰক্ষীয়ে।
