বংগোপ সাগৰত নিম্নচাপৰ ফলত সৃষ্টি ধুমুহা জাকে দুৰ্বাৰ গতিত বৃত্তাকাৰে ঘূৰি ঘূৰি ক্রমশঃ আগবাঢ়িছে বংগ-ওড়িশাৰ উপকূলৱৰ্তী এলেকালৈ। ইতিমধ্যে ‘ডানা’ৰ প্রভাৱত বিস্তীৰ্ণ এলেকাত বলিছে বেগী বতাহ। ধাৰাসাৰ বৰষুণেও বুৰাইছে বিস্তীৰ্ণ এলেকা। ক্রমশঃ ওড়িশা আৰু বংগৰ উপকূলৱৰ্তী এলেকাত আৰম্ভ হৈছে বৰষুণ। পুৰী-সাগৰ আইলেণ্ডৰ পৰা ভিতৰকণিকা ৰাষ্ট্রীয় উদ্যান পৰ্যন্ত হ’ব মুষলধাৰ বৃষ্টি।
ওড়িশাত NDRFৰ ২০টা, SDRFৰ ৫১টা বাহিনী নিয়োজিত। ১৫৮ প্লেটুন আৰক্ষী, ২০০টা অগ্নিনিৰ্বাপক বাহিনীৰ দল সাজু উদ্ধাৰ অভিযানৰ বাবে। আজি সন্ধিয়া ৬ বজাৰ পৰা বন্ধ ঘোষণা কলকাতা বিমানবন্দৰ
বন্ধ ঘোষণা বংগ-বিহাৰৰ মাজেৰে পাৰ হোৱা ৩০০ ৰে’ল।
চাইক্লোন ৰিমেলে যোৱা মে’ মাহৰ শেষ ভাগত ওড়িশাত সৃষ্টি কৰা ধ্বংসলীলাৰ ৫ মাহ পাছতে আন এক ধুমুহা ঘূৰ্ণি ডানাই কোবাই যাব ওড়িশাৰ উপকূল। ৰিমেলৰ প্রভাৱত ভাৰত আৰু বাংলাদেশৰ ১৬জন লোকৰ মৃত্যু হৈছিল। উত্তৰ-পূৰ্বাঞ্চলত সেই ধুমুহাৰ ফলত হোৱা ভূস্খলনত প্রায় ৩০জন লোক নিহত হৈছিল। বিধ্বস্ত হৈছিল কেইবাসহস্রাধিক ঘৰ–দুৱাৰ। এইবাৰ যাতে ‘ডানা’ই বিশেষ ক্ষতিসাধন কৰিব নোৱাৰে তাৰ বাবে সাজু হৈছে প্রশাসন।
