গুৱাহাটী, ২৫ জুন, NKTV: বুধবাৰে বলীউডৰ জনপ্ৰিয় অভিনেত্ৰী কংগনা ৰাণাৱটে সামাজিক মাধ্যম KOOত বলীউডৰ আহিবলগীয়া Emergencyশীৰ্ষক ছবি খনৰ পৰিচালনা কৰাৰ কথা প্ৰকাশ কৰে। এই ছবিখন ভাৰতৰ প্ৰাক্তন প্ৰধানমন্ত্ৰী ইণ্ডিৰা গান্ধীৰ জীৱনৰ আধাৰত নিৰ্মাণ কৰা হ’ব।
অভিনেত্ৰীগৰাকীয়ে পৰিচালনা কৰা ছবিখনৰ কাহিনী লিখিব জনপ্ৰিয় স্ক্ৰিপ্ট ৰাইটাৰ ৰিতেশ ছাহে। ইয়াৰ পূৰ্বে ৰিতেশ ছাহে পিংক, কাহানী, কাহানী-২, ডি-ডে, ৰকি হেণ্ডচম আদিৰ দৰে বলীউডৰ কেইবাখনো ছবিৰ কাহিনী লিখিছিল।
Emergencyৰ কথা উল্লেখ কৰোতে তেওঁ কয় যে, “পুনৰবাৰ পৰিচালকৰ টুপি পিন্ধিবলৈ অনুপ্ৰেৰিত হৈছো, Emergency ছবিখনৰ বাবে ১ বছৰতৈ অধিক সময় কাম কৰি মই জানিব পাৰিছো যে মোতকৈ আন কোনেও এই ছবিখনৰ পৰিচালনা কৰিব নোৱাৰে। বিশিষ্ট লিখক ৰিতেশ ছাহৰ লগত কাম কৰিবৰ বাবে যদি মই বেলেগ ছবিৰ কাম এৰিব লাগে তাৰ বাবেও সাজু আছো। এক বিশেষ যুদ্ধৰ বাবে মই এতিয়া সাজু , #Emergency #INDIRA”। ইয়াৰ সমান্তৰালভাৱে অভিনেত্ৰীগৰাকীয়ে Emergency ছবিখন এখন পলিটিকেল ড্ৰামা বুলি উল্লেখ কৰি ইণ্ডিৰা গান্ধীৰ বায়’পিক নহয় বুলি জানিবলৈ দিয়ে।
