একেদিনাই ৰাজ্যত এইবাৰ গ্ৰেপ্তাৰ দুজনকৈ চক্ৰ বিষয়া। গাঁওবুঢ়া নিযুক্তি কেলেংকাৰীৰে অভিযুক্ত মানকাচৰৰ দুই চক্ৰ বিষয়া বিক্ৰম আদিত্য বৰা আৰু ইলিয়াছ আহমেদক গ্ৰেপ্তাৰ কৰে CM ভিজিলেঞ্চৰ দলে। গ্ৰেপ্তাৰ হোৱা দুই বিষয়া ক্ৰমে বিক্ৰম আদিত্য বৰা আৰু ইলিয়াছ আহমেদ। গাঁওবুঢ়া নিযুক্তি কেলেংকাৰীত নাম সাঙোৰ খোৱা ADC চাইবুৰ ৰহমানৰ ঘনিষ্ঠ আছিল এই দুই বিষয়া। কেলেংকাৰী সংঘটিত হোৱাৰ সময়ত মানকাচৰৰ চক্ৰ বিষয়া আছিল দুয়োজন।
বিক্ৰম আদিত্য বৰা বৰ্তমান BTCৰ অতিৰিক্ত উপায়ুক্তৰূপে কাৰ্যনিৰ্বাহ কৰি আছিল। আনহাতে ইলিয়াছ আহমেদ বৰ্তমান গুৱাহাটীৰ পৰিবহণ বিভাগৰ উপ-সচিব। বৃহস্পতিবাৰে দুয়োকে তলব কৰিছিল CM ভিজিলেঞ্চৰ দলে। একেৰাহে কেইবা ঘণ্টা জেৰা চলাইছিল তদন্তকাৰী দলে। এটা গাঁওবুঢ়া পদৰ বিপৰীতে লাখ লাখ টকাৰ কেলেংকাৰী হোৱাৰ অভিযোগ উত্থাপিত হৈছিল।
