আজি সদৌ অসম জনস্বাস্থ্য কাৰিকৰী বিভাগৰ ঠিকাদাৰ সন্থাৰ এটি প্ৰতিনিধি দলে সাক্ষাৎ কৰে জনস্বাস্থ্য কাৰিকৰী বিভাগৰ মাননীয় মন্ত্ৰী শ্ৰীযুত জয়ন্ত মল্লবৰুৱাক। সাক্ষাৎকালত ঠিকাদাৰসকলৰ বিল আদায়কে ধৰি বিভিন্ন সমস্যাৰ বিষয়ে আলোচনা কৰা হয়। এই আলোচনাকালত মন্ত্ৰীজনে অহা আগষ্ট মাহৰ ভিতৰত অনাদায় ধন মুকলি কৰি দিয়াৰ আশ্বাস প্ৰদান কৰে।
উল্লেখ্য যে অহা ২০ জুনত ২ ঘণ্টীয়া অৱস্থান ধৰ্মঘট কাৰ্যসূচী গ্ৰহণ কৰাৰ কথা আছিল সদৌ অসম জনস্বাস্থ্য কাৰিকৰী ঠিকাদাৰ সন্থাই। কিন্তু এই সাক্ষাতৰ পিছতে মন্ত্ৰী জয়ন্ত মল্লবৰুৱাৰ আশ্বাস পূৰ্ণ বক্তব্যখিনিক সন্মান জনাই অহা আগষ্ট মাহলৈ কোনো ধৰণৰ কাৰ্যসূচী হাতত নোলোৱাৰ সিদ্ধান্ত গ্ৰহণ কৰা হয়।
