বান কমিল, ৰাজ্যত এইবাৰ জাপানীজ এনকেফেলাইটিছৰ সংহাৰ

বিপদে যেন লগা নেৰা হৈছে ৰাজ্যবাসীক। আহাৰমহীয়া বানে বিধ্বস্ত কৰি থৈ গ’ল ৰাজ্য। তাৰ মাজতেই এইবাৰ ভূতৰ ওপৰত দানহ পৰাদি ৰাজ্যত জাপানীজ এনকেফেলাইটিছৰ সংহাৰ। কেইবাখনো জিলাত জাপানীজ এনকেফেলাইটিছৰ প্ৰাদূৰ্ভাৱ। ৰহাৰ আমচৈত JEত আক্ৰান্ত হৈ এজনৰ মৃত্যু। মৃত কিশোৰটি আমচৈ নকুছিৰ ১৩ বছৰীয়া মাধুৰ্য কোঁৱৰ। ৮ দিনে GMCHত চিকিৎসাধীন হৈ আছিল মাধুৰ্য। চিকিৎসাধীন অৱস্থাতে মৃত্যু হয় মাধুৰ্যৰ। যোগীঘোপাত JEত আক্ৰান্ত ১১জন লোক। নলবাৰীত JEত আক্ৰান্ত ৪০ জন লোক। বঙাইগাঁৱত JEত আক্ৰান্ত বৰ্তমানলৈ দুজন চিনাক্ত। বানৰ সংহাৰৰ পাছতে JEৰ আতংক নামনিত। JEৰ বাবে স্বাস্থ্য বিভাগে গ্ৰহণ কৰিছে বিশেষ পদক্ষেপ।