গুৱাহাটী, ২৩ জুন, NKTV: আগশাৰী বিমান পৰিবহন সংস্থা INDIGOয়ে বুধবাৰৰ পৰা সকলো যাত্ৰীক ১০ শতাংশ ৰেহাই দিব যিসকলে ক’ভিড-১৯ ভেকছিনৰ কমেও এটা পালি গ্ৰহণ কৰিছে। এই ৰেহাই আধাৰ ভাড়াৰ ওপৰত দিয়া হ’ব আৰু এই অফাৰৰ অধীনত কেৱল ‘Limited Inventory‘ উপলব্ধ, এয়াৰলাইনৰ বিবৃতিত উল্লেখ কৰা হৈছে।
এই অফাৰটো কেৱল ১৮ বছৰ বা তাতকৈ অধিক বয়সৰ টিকাকৰণ কৰা যাত্ৰীসকলৰ বাবে উপলব্ধ, যিসকলে বুকিঙৰ সময়ত ভাৰতত আছে আৰু ইতিমধ্যে দেশত এটা (কমেও এটা পালি) ক’ভিড-১৯ ভেকছিন প্ৰাপ্ত কৰিছে। বুকিঙৰ সময়ত অফাৰটো লাভ কৰা যাত্ৰীসকলে বিমানবন্দৰৰ চেক-ইন কাউণ্টাৰৰ লগতে বৰ্ডিং গেটত স্বাস্থ্য আৰু পৰিয়াল কল্যাণ মন্ত্ৰালয়ে জাৰী কৰা এক বৈধ ক’ভিড-১৯ টিকাকৰণ প্ৰমাণপত্ৰ প্ৰদান কৰিব লাগিব। বৈকল্পিকভাৱে, তেওঁলোকে বিমানবন্দৰৰ চেক-ইন কাউণ্টাৰ/বৰ্ডিং গেটত আৰোগ্য সেতু ম’বাইল এপ্লিকেশ্বনত তেওঁলোকৰ টিকাকৰণৰ স্থিতিও প্ৰদৰ্শন কৰিব পাৰে।