বাংলাদেশ পালেগৈ ভাৰতে উপহাৰ হিচাপে দিয়া দুটা ভ্ৰাম্যমাণ অক্সিজেন প্ৰকল্প। ভাৰতীয় নৌসেনাৰ জাহাজ INS সাবিত্ৰী বৃহস্পতিবাৰে ৰাতিপুৱা চিটাগঙত উপস্থিত হৈছে। DRDOৰ দ্বাৰা নিৰ্মাণ কৰা প্ৰকল্প কেইটা ক’ভিড মহামাৰীৰ বিৰুদ্ধে যুঁজিবলৈ বাংলাদেশক উপহাৰ হিচাপে দিছে ভাৰতে। এই প্লান্ট কেইটাৰ অক্সিজেন উৎপাদন ক্ষমতা প্ৰতি মিনিটত ৯৬০লিটাৰ।
এটা প্ৰকল্প ঢাকা চিকিৎসা মহাবিদ্যালয় আৰু চিকিৎসালয়ত স্থাপন কৰা হ’ব আৰু আনটো বিএনএছ পাটেঙ্গাত স্থাপনৰ বাবে বাংলাদেশ নৌসেনাক হস্তান্তৰ কৰা হৈছে। এই অত্যাধুনিক প্লান্ট কেইটাই অতি সুলভ উপায়েৰে তাৎক্ষণিক চিকিৎসা অক্সিজেন প্ৰস্তুত কৰে। এই অক্সিজেন চিলিণ্ডাৰ সমূহ পোনপটীয়াকৈ চিকিৎসালয়ত স্থাপন কৰাৰ উপৰিও পুনৰ ভৰ্তি কৰাৰ বাবেও উপযোগী। লগতে চিকিৎসাৰ বাবে প্ৰেচাৰ চুইং এডপচন (পিএছএ) নীতিৰ সৈতে জিঅ’লাইট (আণৱিক চিম) প্ৰযুক্তি ব্যৱহাৰ কৰি মানক চিকিৎসা অক্সিজেনো প্ৰস্তুত কৰে।
