আজিৰ পৰা পুনৰ আৰম্ভ হৈছে মাজুলী-নিমাতীঘাট সংযোগী ফেৰী সেৱা। অৱশ্যে এই ফেৰী চলাচলত নতুন চৰ্তাৱলী ধার্য কৰিছে। পৰৱৰ্তী জাননী জাৰি নকৰালৈকে চাৰি চকীয়া বাহন পাৰা-পাৰ কৰিব নোৱাৰিব ফেৰীত। দুচকীয়া বাহন আৰু আৰু সাধাৰণ যাত্ৰীহে পাৰা-পাৰ হ’ব পাৰিব। এই সম্পৰ্কে এক নিৰ্দেশনা জাৰি কৰিছে মাজুলীৰ অতিৰিক্ত উপায়ুক্তই। ইফালে, ২৭ আগষ্টৰ পৰা জিলা প্ৰশাসন আৰু আভ্যন্তৰীণ জল পৰিবহণ বিভাগে বন্ধ কৰি দিছিল ফেৰী সেৱা। যাৰ বাবে ৰোগী, ছাত্ৰ-ছাত্ৰী তথা বিশেষ প্ৰয়োজনীয় কামত যোৰহাটলৈ যাব লগা লোকসকল অভাৱনীয় সমস্যাৰ সন্মুখীন হৈছিল।
