ৰাইজে নখ জোকাৰিলে নৈ বয়। নেতাৰ প্ৰতিশ্ৰুতি প্ৰতিশ্ৰুতিয়ে হৈ ৰয়। বাক্সাৰ ভাৰত–ভূটান সীমান্তৰ কৃষকৰ সংগ্ৰামৰ জীয়া ছবি। চৰকাৰী আঁচনিক আশা নকৰি এনেদৰে বান্ধ নিৰ্মাণ কৰিবলৈ ওলাই আহিল স্থানীয় ৰাইজ। খেতি কৰিবলৈ ভেটিব লাগে খৰস্ৰোতা নৈ । নিৰ্বিকাৰ ৰাজ্যৰ জলসিঞ্চন বিভাগ। বাক্সা জিলাৰ বৰমা বিধানসভা সমষ্টিৰ অন্তৰ্গত ভাৰত-ভূটান সীমান্তৱৰ্তী সূৱণখাটাৰ ৰাইজৰ বিলৈ। স্বাধীনতাৰ ৭৫ বছৰ অতিক্ৰম কৰাৰ পিছতো সুৱণখাটাৰ পাগলাদিয়া নৈৰ বান্ধত কোনো এখন চৰকাৰী আঁচনিয়ে ঢুকি নাপালে। খেতি পথাৰত পানীৰ অভাৱ তথা জলসিঞ্চন বিভাগৰ হেমাহিৰ বাবেই এই হাহাকাৰ অৱস্থাৰ সৃষ্টি হৈছে কৃষকসকলৰ।
