শেহতীয়াকৈ চৰকাৰে সামগ্ৰী আৰু সেৱা কৰ (GST)ৰ হাৰত নতুন সালসলনি কৰিছে। সামগ্ৰী আৰু সেৱা কৰ পৰিষদৰ বৈঠকত কেৱল স্লেব গাঁথনিত পৰিৱৰ্তন কৰাই নহয়, দৈনন্দিন জীৱনৰ প্ৰয়োজনীয় বহু সামগ্ৰীৰ ওপৰতো উল্লেখযোগ্য ৰেহাই দিয়া হৈছে। এই সিদ্ধান্তসমূহৰ জৰিয়তে মধ্যবিত্ত শ্ৰেণীৰ লোকসকলৰ প্ৰত্যক্ষভাৱে লাভ হ’ব পাৰে। এই পৰিৱৰ্তনৰ ফলত বহু প্ৰয়োজনীয় সামগ্ৰীৰ দাম কমিব। ৩৩টা প্ৰয়োজনীয় ঔষধৰ ওপৰত এতিয়া কোনো GST লগোৱা নহ’ব। ইয়াৰ উপৰিও, মটৰবাইক আৰু সৰু গাড়ীৰ ওপৰতো GSTৰ হাৰ কমোৱা হৈছে। চেনী আৰু মাখনৰ ওপৰত এতিয়া ৫% GST লাগিব, যি পূৰ্বৰ তুলনাত কম। পৰঠা আৰু ৰুটিৰ দৰে খাদ্য সামগ্ৰীৰ ওপৰত এতিয়া কোনো GST লগোৱা নহ’ব। চিমেণ্টৰ ওপৰত GSTৰ হাৰ ২৮%ৰ পৰা কমাই ১৮% কৰা হৈছে। এই পৰিৱৰ্তনসমূহৰ ফলত সাধাৰণ জনতাই যথেষ্ট সকাহ লাভ কৰিব।
