‘মই মোদীক বিষ্ণুৰ অৱতাৰ হিচাপে দেখোঁ, তেওঁ ধৰ্ম পুনঃপ্ৰতিষ্ঠাৰ বাবে বিষ্ণুৰ শেষ অৱতাৰ’; ভূটানৰ প্ৰধানমন্ত্ৰী শেৰিং টবগে

ভাৰতৰ প্ৰধানমন্ত্ৰী নৰেন্দ্ৰ মোদীক ভূয়সী প্ৰশংসা ভূটানৰ প্ৰধানমন্ত্ৰী শেৰিং টবগেৰ। মোদীক নিজৰ ‘ডাঙৰ ভাই’ বুলি অভিহিত কৰাৰ লগতে বিশৃংখলতা দূৰ কৰি ধৰ্ম পুনঃপ্ৰতিষ্ঠা কৰাৰ ক্ষেত্ৰত তেওঁক হিন্দু ধৰ্মীয় বিশ্বাসৰ ‘কল্কি’ অৰ্থাৎ বিষ্ণুৰ শেষ অৱতাৰৰ সৈতে তুলনা কৰে টবগেই।

প্ৰধানমন্ত্ৰী হিচাপে মোদীৰ ২৫ বছৰীয়া সেৱাৰ প্ৰসংগ উল্লেখ কৰি টবগেই তেওঁৰ নেতৃত্ব, সাহস, প্ৰজ্ঞা আৰু সহমৰ্মিতাৰ প্ৰশংসা কৰে। তেওঁ কয় যে ‘বিকশিত ভাৰত’ৰ গুৰুত্ব কেৱল ভাৰতৰ সীমাৰ ভিতৰতে সীমাবদ্ধ নহয়, ইয়াৰ প্ৰভাৱ ভাৰতৰ বাহিৰতো বিস্তৃত।

আন্তঃৰাষ্ট্ৰীয় সম্পৰ্কৰ ক্ষেত্ৰত মোদীয়ে সদায় চুবুৰীয়া দেশসমূহক অগ্ৰাধিকাৰ দি অহা বুলি উল্লেখ কৰে ভূটানৰ প্ৰধানমন্ত্ৰীগৰাকীয়ে। লগতে ‘গ্ল’বেল ছাউথ’ৰ স্বাৰ্থক গুৰুত্ব দিয়াৰ লগতে আফ্ৰিকান ইউনিয়নক G20ৰ স্থায়ী সদস্য হিচাপে অন্তৰ্ভুক্ত কৰাৰ ক্ষেত্ৰতো মোদীৰ ভূমিকাৰ প্ৰশংসা কৰে তেওঁ।

মোদীৰ সৈতে থকা ব্যক্তিগত সম্পৰ্কৰ কথাও স্মৰণ কৰে শেৰিং টবগেই। ২০১৯ চনত হোৱা তেওঁলোকৰ এক স্বতঃস্ফূৰ্ত বাৰ্তালাপ আৰু ২০২৪ চনৰ ১৪ মাৰ্চত দিল্লীত হোৱা সাক্ষাতৰ কথা উল্লেখ কৰি টবগেই কয় যে মোদীক ‘ডাঙৰ ভাই’ বুলি গণ্য কৰাৰ লগতে তেওঁক বিষ্ণুৰ অৱতাৰ হিচাপে দেখাৰ কথা পূৰ্বেও কৈছিল।

বিশৃংখলা দূৰ কৰা আৰু ধৰ্ম পুনঃপ্ৰতিষ্ঠাৰ ধাৰণাৰ সৈতে সংগতি ৰাখি মোদীক ‘কল্কি’ হিচাপে তুলনা কৰা টবগেই ভাৰত-ভূটানৰ বন্ধুত্বপূৰ্ণ সম্পৰ্ক অধিক শক্তিশালী কৰাৰ ওপৰতো গুৰুত্ব আৰোপ কৰে।

ভূটানৰ প্ৰধানমন্ত্ৰীৰ এই মন্তব্যই এতিয়া ৰাজনৈতিক আৰু সামাজিক ক্ষেত্ৰত ব্যাপক চৰ্চা লাভ কৰিছে।

NKTV Digital
Author: NKTV Digital

Popular

More like this
Related

জুবিন গাৰ্গৰ ৫৪সংখ্যক ওপজা দিনত পুনেত শ্ৰদ্ধাঞ্জলি: স্মৃতি যুগমীয়া কৰাৰ উদ্দেশ্যে নাহৰ গছৰ পুলি ৰোপণ

অসমৰ সংগীত জগতৰ কিংবদন্তি কণ্ঠশিল্পী, সুৰকাৰ তথা সাংস্কৃতিক আইকন...

মহাকাশ গৱেষণাত সৃষ্টি নতুন ইতিহাস, পৃথিৱীৰ পৰা এক আলোকদিন অতিক্ৰম ভয়েজাৰ-১ৰ

মহাকাশ গৱেষণাৰ ক্ষেত্ৰত নতুন ইতিহাস সৃষ্টি কৰিলে নাছাৰ মহাকাশযান...