অৰুণাচলৰ এগৰাকী মোহময়ী অভিনেত্ৰী শেহতীয়াভাবে চৰ্চিত হৈছে। নাম চুম দৰং। ঘৰৰ ওচৰে-পাজৰে নাই কোনো চলচ্চিত্ৰ গৃহ। ৩ ঘণ্টাৰ বাট বুলিলেহে চিনেমা হলত চলচ্চিত্ৰ উপভোগ কৰিব পাৰে। ওচৰে-পাজৰে মানে সমীপৰ অসমলৈ আহিলেহে চাব পাৰে চিনেমা। পাচিঘাটত নাই কোনো চলচ্চিত্ৰ গৃহ। একধৰণৰ এক অঞ্চলত জন্ম গ্ৰহণ কৰি বিখ্যাত অভিনেত্ৰী হোৱাৰ সপোন দেখিলে বহুতে হাঁহিয়াতৰ পাত্ৰ কৰিছিল।
তাৰ পিছতো মনৰ একোণত একান্ত ইচ্ছা পুহি ৰাখিছিল। বধাই দো চিনেমাখনৰ গুৰুত্বপূৰ্ণ চৰিত্ৰত অভিনয় কৰা চুম দৰঙৰ বাবে এয়া এক বৃহৎ প্ৰত্য়াহ্বান আছিল। ইচ্ছা আৰু একাগ্ৰতা থাকিলে জীৱনত সফলতা অৰ্জন কৰিব পাৰে তাৰ যেন অন্য এক নাম চুম। ৰাজকুমাৰ ৰাও আৰু ভূমে পেডনেকাৰৰ সৈতে অভিনয়ৰ অভিজ্ঞতাৰ কথা প্ৰকাশ কৰি আবেগিক ২৯ বছৰীয়া অভিনেত্ৰীগৰাকী। দাৰাঙে কয়-মই সৰুৰে পৰা অভিনয় কৰিব বিচাৰিছিলো যদিও কাকো মুকলিভাবে এই কথা কব পৰা নাছিলো। অৰুণাচলৰ সৰু চহৰত এনে কথা কিভাবে গ্ৰহণ কৰে তাৰ বাবে মই বহুবাৰ ভাবিব লগা হৈছিল। অভিনেত্ৰীগৰাকীয়ে আৰু কয়-মোৰ গৃহ চহৰত এটাও থিয়েটাৰ হল নাই। গতিকে মই নিজে অভিনয় কৰা ছবিখনো মই চিনেমা হলত চাব নোৱাৰো। ৩ ঘণ্টা বাট অতিক্ৰমি অসমৰ কোনো চিনেমা হলত পৰিয়ালক চিনেমাখন দেখুওৱাৰ কথা ভাবিছোঁ।
আনহাতে, ৰাজকুমাৰ ৰাও আৰু ভূমিৰ সৈতে অভিনয়ৰ অভিজ্ঞতা সন্দৰ্ভত কয়-দুয়োগৰাকী বিশাল ব্যক্তিত্বৰ অধিকাৰী আৰু যথেষ্ট পৰিশ্ৰম কৰে। মই জানিছিলো তেওঁলোক যথেষ্ট অভিজ্ঞ আৰু জীৱনত সফলতা ইতিমধ্যে লাভ কৰিছে। তাৰ পিছতো শ্বুটিঙৰ সময়ত একেলগে বহি আলোচনা কৰিছিল, নজনা কথাবোৰ শিকাই দিছিল। পৰিচালক আৰু সহ অভিনেতাৰ কথাবোৰ মনপুতি শুনিছিল আৰু এই কথাবোৰে মোক যথেষ্ট অনুপ্ৰাণিত কৰিছিল। তেওঁলোকৰ পৰা যথেষ্ট পৰিমাণে মই শিকিছিলো বুলি মন্তব্য কৰে অভিনেত্ৰীগৰাকীয়ে।
উল্লেখ্য যে, ব্যতিক্ৰমী কাহিনীৰে নিৰ্মিত বধাই দো চিনেমাখনে ইতিমধ্যে চলচ্চিত্ৰ সমালোচকৰ দ্বাৰা উচ্চ প্ৰশংসিত হৈছে। লেছবিয়ান মহিলা আৰু গে পুৰুষৰ প্ৰেম, জীৱন আৰু তেওঁলোকে সন্মুখীন হোৱা প্ৰত্যাহ্বানৰ কথা দেখুওৱা হৈছে চিনেমাখনত।