ঘোষণা হ’ল HS চূড়ান্ত পৰীক্ষাৰ(বিশেষ) ফলাফল। দিনৰ ১২ বজাৰ লগে লগে ৱেবচাইটযোগে প্ৰকাশ কৰে ফলাফল। অসম উচ্চতৰ মাধ্যমিক শিক্ষা সংসদে অনুষ্ঠিত কৰিছিল পৰীক্ষা। ১০ আৰু ১১ নৱেম্বৰত অনুষ্ঠিত হৈছিল পৰীক্ষা। সেই পৰীক্ষাৰ ফলাফল আজি অসম উচ্চতৰ মাধ্যমিক শিক্ষা সংসদে প্ৰকাশ কৰে। সেই অনুসৰি বিজ্ঞান শাখাত ৩২০গৰাকী পৰীক্ষাৰ্থী উত্তীৰ্ণ হৈছে। এইবাৰৰ পৰীক্ষাত অৱতীৰ্ণ হৈছিল ৪৬৬গৰাকী, বিজ্ঞান শাখাত উত্তীৰ্ণৰ হাৰ ৬৮.৬৭ শতাংশ। আনহাতে, কলা শাখাত উত্তীৰ্ণ ৫০৯গৰাকী পৰীক্ষাৰ্থী। কলা শাখাত অৱতীৰ্ণ হৈছিল ৮৭৪গৰাকী, কলা শাখাত উত্তীৰ্ণৰ হাৰ ৫৮.২৪ শতাংশ। ইফালে, বাণিজ্যত ৭১গৰাকী শিক্ষাৰ্থী অৱতীৰ্ণ হোৱাৰ বিপৰীতে ৪২গৰাকী শিক্ষাৰ্থী উত্তীৰ্ণ হৈছে এইবাৰৰ পৰীক্ষাত। বাণিজ্য শাখাত উত্তীৰ্ণৰ হাৰ ৫৯.১৫ শতাংশ।
