সৰস্বতী পূজাৰ দিনটোতেই গুৱাহাটীৰ কাহিলীপাৰাত ভয়ংকৰ পথ দুৰ্ঘটনা। এম্বুলেঞ্চৰ খুন্দাত এগৰাকী যুৱতীৰ, সংকটজনক অৱস্থাত এজন যুৱকক GMCHত ভৰ্তি কৰোৱা হৈছে এজন যুৱকক। নিহত যুৱতীগৰাকী বঙাইগাঁৱৰ উত্তৰ শালমাৰাৰ লুনা ভৰদ্বাজ। আনফালে আহত যুৱকজন দেৰগাঁৱৰ অচ্যুৎ বৰুৱা।
শোকাৱহ দুৰ্ঘটনাটোৰ পাছতে GMCHত উপস্থিত হয় মৃত লুনা ভৰদ্বাজৰ পৰিয়ালৰ লোক। কিন্তু মৃত্যুৰ পাছত যুৱতীগৰাকীৰ মৃতদেহ লৈ যাবলৈও GMCHত ৱাৰ্ডবয় নাপালে পৰিয়ালৰ লোকে। উপায়ন্তৰ হৈ ভিনিয়েকেই কঢ়িয়াবলগীয়া হ’ল খুলশালীয়েক লুনাৰ মৃতদেহ।
পৰিয়ালৰ লোকে জনোৱা অনুসৰি বৃহস্পতিবাৰে যুৱতীগৰাকীলৈ আহিছিল চাকৰিৰ এপইণ্টমেণ্ট লেটাৰ। কিন্তু চাকৰিত যোগদান কৰাৰ সপোনটো আধৰুৱা হৈয়েই ৰ’ল যুৱতীগৰাকীৰ।
