বংগত মমতা বেনাৰ্জীৰ তৃণমূল কংগ্ৰেছৰ পৰা বিজেপিৰ প্ৰথম আমদানি মুকুল ৰয়ে আজি পুত্ৰ শুভ্ৰংশুৰ সৈতে তেওঁৰ পূৰ্বৰ দললৈ উভতি আহে। তেওঁৰ আগমন সন্দৰ্ভত মুখ্যমন্ত্ৰী মমতা বেনাৰ্জীয়ে কয়, মুকুল ঘৰলৈ উভতি আহিছে, তেওঁ কেতিয়াও আনসকলৰ দৰে বিশ্বাসঘাতক নাছিল।
“পুৰণি সদায় সোণৰ দৰে হয়। মুকুল ৰয়ৰ পিছত আৰু অধিক নেতা আহিব TMCলৈ”, সাংবাদিকৰ প্ৰশ্নত মমতাৰ উত্তৰ।
মুকুল ৰয়ে সাংবাদিকসকলক কয় – “বিজেপি এৰি যোৱাৰ পিছত মোৰ পুৰণি সহকৰ্মীসকলক দেখি আজি মই সুখী অনুভৱ কৰিছো। মই বিজেপিত থাকিব নোৱাৰো। মমতা দিদি “বংগ আৰু ভাৰতৰ একমাত্ৰ নেতা” বুলিও কয় মুকুলে।
যোৱা কেইবছৰমানত “দিদি”ৰ ওপৰত তেওঁৰ বাৰে বাৰে হোৱা আক্ৰমণৰ অস্বস্তিকৰ প্ৰশ্নৰ উত্তৰত ৰয়ে উত্তৰ দিছিল: “মমতা বেনাৰ্জীৰ সৈতে মোৰ কেতিয়াও কোনো মতভেদ নাছিল।” সাংবাদিকৰ এই জটিল প্ৰশ্নৰ পৰা মুকুল ৰয়ক উদ্ধাৰ কৰিবলৈ আহি মমতাই সাংবাদিকসকলক উদ্দশ্যি কৈছিল: “এনেবোৰ প্ৰশ্ন কৰি বিভেদৰ সৃষ্টি কৰিবলৈ চেষ্টা নকৰিব”।
সুভেন্দু অধিকাৰীৰ বিষয়ে সোধাত মুখ্যমন্ত্ৰী মমতাই কয়: “যিসকলে উত্তেজনা আৰু তিক্ততাক উৎসাহিত নকৰে তেওঁলোককহে দললৈ পুনৰ স্বাগতম জনোৱা হ’ব।”
ৰয়ে বিজেপিত যোগদান কৰিছিল কাৰণ তেওঁক “সংস্থাবোৰে ভাবুকি দিছিল”; তৃণমূল নেতাসকলে কেমেৰাত উৎকোচ গ্ৰহণ কৰাৰ অভিযোগৰ সৈতে জড়িত নাৰদা উৎকোচ গোচৰৰ এজাহাৰত তেওঁৰ নাম আছে। সুভেন্দু অধিকাৰীও তেনেদৰেই, যি অলপতে চাৰিজন তৃণমূল নেতাক গ্ৰেপ্তাৰ কৰাৰ সময়ত ৰক্ষা পৰিছিল, মমতাই কয়।
সূত্ৰসমূহে কয় যে মুকুল ৰয়ে বেনাৰ্জীৰ অপাৰেচন “ৰিটাৰ্ণ অফ দ্য প্ৰডিগাল”ৰ প্ৰথম লক্ষ্য আছিল। বেনাৰ্জীয়ে নিৰ্বাচনী প্ৰচাৰৰ সময়তে এক ইংগিত দিছিল, আৰু তেওঁ এক ৰাজহুৱা ৰেলীত কৈছিল: “মুকুল ৰয় সুভেন্দু অধিকাৰীৰ দৰে বেয়া নহয়”।