দৌল মহোৎসৱ বুলি কলেই এক অনামী পুলকত নাচি উঠে বৰপেটা বাসীৰ দেহ মন প্ৰাণ ৷ বৰপেটাৰ প্ৰাণৰ দৌল মহোৎসৱ দুৱাৰডলিত ৷ বৰপেটা সত্ৰৰ দালানত বৰপেটাৰ যুৱকৰ হোলীগীতৰ ৰোল ৷
বৰপেটা সত্ৰত ১৬ মাৰ্চৰ পৰা চাৰিদিনীয়াকৈ অনুষ্ঠিত হ’ব বিখ্যাত দৌল মহোৎসৱ ৷ সত্ৰীয়া পৰম্পৰা অনুসৰি পালন কৰা দৌল মহোৎসৱৰ কাৰ্যসূচী অনুসৰি ১৬ মাৰ্চত বহ্নুৎসৱ, ১৭ আৰু ১৮ মাৰ্চত ভৰদৌল আৰু ১৯ মাৰ্চত অনুষ্ঠিত কৰা হ’ব সুৱেৰী বা ফাকুৱা ৷
দৌলক লৈ বৰপেটাবাসীৰ গাত তত্ নাইকীয়া ৷ দৌলক লৈ আপোন বিভোৰ বৰপেটাবাসীৰ দেহ-মন ৷
যিমানেই দৌল মহোৎসৱ ওচৰ চাপি আহিছে সিমানেই হোলীগীতৰ উতলা সুৰে পৰাণ পাগল কৰি তুলিছে বৰপেটাবাসীক৷
এয়া বৰপেটা সত্ৰৰ দালানত নিশা বৰপেটাৰ যুৱকৰ হোলীগীতৰ ৰোল ৷ দৌলৰ দিন চমু চাপি আহাৰ লগে লগে এনেদৰে বৰপেটাৰ বিভিন্ন প্ৰান্তৰ পৰা ডেকাসকল আহি সত্ৰৰ সম্মুখত নিশা দুপৰলৈকে হোলীগীত গাই কৃষ্ণ প্ৰেমত মতলীয়া হৈ পৰে ৷
