কুঁৱলী নে মৰণ কিৰীলি?

1202

কুঁৱলী নে মৰণ কিৰীলি?
ঘটনা এটাৰ পিছত আন এটা
ভয়াৱহ!
এটাৰ পিছত আন এটা অঘটন
লোমহৰ্ষক!

সমীপত ভোগৰ ভোগালী। কিন্তু তাৰ পূৰ্বে এয়া কান্দোনৰ ৰোল। কলিয়াবৰৰ মিছামুখ গাঁও। এই গাঁওখনত উৰুকাৰ দুদিন পূৰ্বে কেৱল বিননি–চিৎকাৰ। বৃহস্পতিবাৰে নিশা কলিয়াবৰৰ ৰৌমাৰীত সংঘটিত হ’ল এক ভয়াৱহ দুৰ্ঘটনা। কলিয়াবৰ তিনিআলিৰ ফালৰ পৰা মিছাৰ দিশে আহি আছিল AS 12 J 6909 নম্বৰৰ এই বাহনখন। হঠাৎ হেৰাল নিয়ন্ত্ৰণ। বাগৰি পৰিল চাৰিলেনযুক্ত পথৰ পৰা দ খাৱৈত।

নিহত হ’ল ৩ জনকৈ যুৱক। ফটোত দেখা এই তিনিজন যুৱক ক্ৰমে অৰ্জুন তাঁতী, অমৃত বিশ্বাস আৰু ৰাহুল বিশ্বাস। ইয়াৰে দুজন থিতাতে নিহত হোৱাৰ বিপৰীতে ৰাহুলক সংকটজনক অৱস্থাত নিয়া হৈছিল তেজপুৰ মেডিকেল কলেজলৈ। কিন্তু আদবাটতে শেষ নিশ্বাস ত্যাগ কৰিলে ৰাহুলে। ঘটনাক লৈ স্থানীয় লোকৰ শোক। ঘন কুঁৱলী এই দুৰ্ঘটনাৰ অন্যতম কাৰণ। গাড়ীখনত আছিল চালকৰ আসনত গোবিন্দ বিশ্বাস নামৰ আন এজন যুৱক। ঘটনা সংঘটিত হোৱাৰ পাছতে পলায়নৰ অভিযোগ। একে নিশাই নগাঁৱৰ ডিমৰুগুৰিটো ঘটিল অঘটন। ডিভাইডাৰত এইদৰে উঠিল ট্ৰাক। খাৰুপেটীয়াৰ পৰা আমনি অভিমুখে আহি আছিল এই ট্ৰাকখন। ডিভাইদাৰত খুন্দা মাৰি চূৰ্ণাকৃত সকলো।

এক ভয়ানক অঘটনৰ পৰা ৰক্ষা পৰিল আজাৰাৰ পৰা মিৰ্জালৈ গৈ থকা অৱস্থাত শিক্ষাৰ্থীসহ St Joseph Schoolৰ এই বাহনখন। পুৱাৰ ভাগত শিক্ষাৰ্থীসহ গৈ থকা বাহনখনৰ সংঘৰ্ষ হয় নগালেণ্ডৰ পঞ্জীভুক্ত ট্ৰাকৰ সৈতে। আজাৰা থানাৰ সন্মুখতে ঘটিল অঘটন। ঘন কুঁৱলীয়ে অঘটন ঘটালে হোজাইটো। দুৰ্ঘটনাগ্ৰস্ত বাহনখনৰ অৱস্থা দেখিলে সহজেই অনুমেয় কেনে এক নিশ্চিত বিপদৰ পৰা ৰক্ষা পৰিছে যাত্ৰীসকল। এই তিনিচকাৰ বাহনে খুন্দা মাৰিলে বিদ্যুতৰ খুঁটাত। যাত্ৰী কঢ়িওৱা এই বাহনৰ ভিতৰত গুৰুতৰভাৱে আহত মহিলাক পঠিওৱা হ’ল হাস্পতাললৈ। ৰাজ্যত এতিয়া প্ৰচণ্ড শীত। নিশাটো বাদেই পুৱাৰ ভাগতো ঘন কুঁৱলীৰ আচ্ছাদনে বেৰি থাকে ৰাজপথ। ঘন কুঁৱলীৰ বাবেই এটাৰ পিছত আনটো ঘটনা ৰাজ্যত বিগত ২৪ ঘণ্টাত। সাৱধান ৰাইজ। গাড়ী লাহে লাহে চলাব।

ঘন কুঁৱলী ভাঙি চলিছে গণৰাজ্য দিৱসৰ আখৰা

প্ৰাসংগিক চিন্তা আৰু ভৱিষ্যদর্শনেৰে এখন নতুন অসম গঢ়িবলৈ যুৱ সমাজক মুখ্যমন্ত্ৰীৰ আহ্বান