গুৱাহাটী, ১৯ জুলাই, NKTV: আৰক্ষী সঞ্চালক প্ৰধানৰ কাৰ্যালয়ে ৬.১০ কোটি টকা বিজুলী বিল পৰিশোধ কৰিবলৈ আছে। বিধান সভাৰ মজিয়াত উন্মোচিত হৈছে এই কথা। বিধান সভাত দাখিল কৰা তথ্য অনুসৰি DGP কাৰ্যালয়ৰ IGP (SB)য়ে ৩৮ লাখ, আৰক্ষী গৃহ নিৰ্মাণ নিগমে ৬৩ লাখ, DGP (যোগাযোগ)ৰ কাৰ্যালয়ে ৬৩ লাখ, DIG (BORDER)ৰ কাৰ্যালয়ে ২২ লাখ, IGP (কাৰাগাৰ) কাৰ্যালয়ে ১১ লাখ আৰু সঞ্চালক (গৃহৰক্ষী) কাৰ্যালয়ৰ ১০ লাখ টকা দিবলৈ বাকী আছে। বিধান সভাত কংগ্ৰেছ বিধায়ক বসন্ত দাসৰ প্ৰশ্নৰ উত্তৰত শক্তি বিভাগৰ মন্ত্ৰীয়ে এই তালিকা দাখিল কৰিছে। সৰ্বাধিক ২৬.৮৪ কোটি টকা জনস্বাস্থ্য কাৰিকৰী বিভাগে, ১৫ কোটি টকা উপায়ুক্ত আৰু মহকুমাধিপতি কাৰ্যালয়ৰ বাবদ সাধাৰণ প্ৰশাসন বিভাগে দিবলৈ বাকী আছে। স্বাস্থ্য আৰু পৰিয়াল কল্যাণ বিভাগে ১২.৬২ কোটি, জলসিঞ্চন বিভাগে ১০.৩৩ কোটি, বন বিভাগে ৫.৭৩ কোটি, লোক নিৰ্মাণ বিভাগে ৪.৭৬ কোটি টকা দিবলৈ বাকী আছে। চৰকাৰী বিভাগসমূহে চৰকাৰক মুঠতে ১২৭.৫৬ কোটি টকা দিবলৈ বাকী আছে।
