বিত্ত মন্ত্ৰালয়ে মন্ত্ৰালয় আৰু বিভাগসমূহক “সকলো পৰিহাৰযোগ্য আঁচনি ব্যয় হ্ৰাস কৰিবলৈ আৰু নিয়ন্ত্ৰণযোগ্য ব্যয় ২০% হ্ৰাস কৰাৰ লক্ষ্য ৰাখিবলৈ” এক নিৰ্দেশ জাৰি কৰিছে।
এই পদক্ষেপে চৰকাৰক সামগ্ৰিক বাজেট ব্যয় নিযন্ত্ৰণত সহায় কৰিব। “চৰকাৰে সিদ্ধান্ত লৈছে যে সকলো মন্ত্ৰালয়/বিভাগে অপব্যয়/পৰিহাৰযোগ্য ব্যয় নিয়ন্ত্ৰণ কৰিবলৈ পদক্ষেপ লোৱা উচিত আৰু নিয়ন্ত্ৰণযোগ্য ব্যয় ২০% হ্ৰাস কৰাৰ লক্ষ্য ৰাখিব লাগে। সকলো মন্ত্ৰালয়/বিভাগক সকলো পৰিহাৰযোগ্য অনা-আঁচনি ব্যয় হ্ৰাস কৰাৰ বাবে পদক্ষেপ ল’বলৈ আৰু উপৰোক্ত সিদ্ধান্ত অনুসৰণ কৰি নিয়ন্ত্ৰণযোগ্য ব্যয় ২০% হ্ৰাস কৰাৰ লক্ষ্য ৰাখিবলৈ অনুৰোধ কৰা হৈছে। ২০১৯-২০ বৰ্ষত ব্যয়ক এই উদ্দেশ্যৰ বাবে আধাৰশিলা হিচাপে লোৱা হ’ব পাৰে,” বিত্ত মন্ত্ৰালয়ৰ ব্যয় বিভাগৰ এক নিৰ্দেশনাত কোৱা হৈছে।
যিবোৰ আঁচনিৰ অধীনত ব্যয় নিয়ন্ত্ৰণ কৰা হ’ব তাৰ তালিকাত অন্তৰ্ভুক্ত আছে অভাৰটাইম ভাট্টা, পুৰষ্কাৰ, ঘৰুৱা ভ্ৰমণ ব্যয়, কাৰ্যালয়ৰ ব্যয়, ভাড়া, কৰ, ৰয়েলটি, প্ৰকাশন, অন্যান্য প্ৰশাসনিক ব্যয়, যোগান আৰু সামগ্ৰী, ৰেচন, কাপোৰ আৰু টেণ্টেজৰ ব্যয়, বিজ্ঞাপন আৰু প্ৰচাৰ, সৰু কাম আৰু তত্বাৱধান, সেৱা বা প্ৰতিশ্ৰুতি মাচুল, অনুদান-সহায়ক সাধাৰণ অৱদান আৰু অন্যান্য অৱদান।
