দেশত পুনৰ সংঘটিত হৈছে ভয়ংকৰ ৰে’ল দুৰ্ঘটনা। শিয়ালদাহমুখী কাঞ্চনজংঘা এক্সপ্ৰেছ দুৰ্ঘটনাগ্ৰস্ত। মালবাহী ৰে’লৰ খুন্দাত লাইনচ্যুত হয় দুটা দবা। ভয়ংকৰ দুৰ্ঘটনাত নিহত হয় ৫জন যাত্ৰী। আহত বহু যাত্ৰী, উদ্ধাৰ অভিযান অব্যাহত। নিউ জলপাইগুৰিৰ ফান্সিদেৱা অঞ্চলত সংঘটিত হয় এই দুৰ্ঘটনা। মালবাহী ট্ৰেইনখনৰো কেইবাটাও দবা লাইনচ্যুত হয় দুৰ্ঘটনাত। আগৰতলাৰ পৰা শিয়ালদাহ অভিমুখী আছিল কাঞ্জনজংঘা এক্সপ্ৰেছ। ঘটনাৰ বুজ লৈছে পশ্চিমবংগৰ মুখ্যমন্ত্ৰী মমতা বেনাৰ্জীয়ে। ৰে’লমন্ত্ৰী অশ্বিনী বৈষ্ণৱেও সংশ্লিষ্ট বিভাগক নিৰ্দেশ দিছে উদ্ধাৰৰ বাবে। ৰে’লৱে-NDRF-SDRF-এ অব্যাহত ৰাখিছে উদ্ধাৰ অভিযান। দুৰ্ঘটনাক লৈ ৰে’লৱেৰ হেল্পলাইন নম্বৰ মুকলি। শিয়ালদাহৰ বাবে 033-23508794 আৰু 033-23833326 নম্বৰ মুকলি। গুৱাহাটীৰ বাবে মুকলি 0361-2731621, 0361–2731622 নম্বৰ। গুৱাহাটীৰ বাবে তৃতীয়টো নম্বৰ– 0361–2731623।
শেহতীয়া খবৰ অনুসৰি, দুৰ্ঘটনাগ্ৰস্ত শিয়ালদাহমুখী কাঞ্চনজংঘা এক্সপ্ৰেছত আছিল অসমৰো বহু যাত্ৰী। ৰে’লখনত আছিল লংকা, হোজাই, লামডিঙৰ বহু যাত্ৰী। লামডিঙৰ ৪৫, লংকাৰ ২৪জন যাত্ৰী আছিল ৰে’লখনত। হোজাইৰ পৰাও গৈছিল ২৬ জনকৈ যাত্ৰী।
