মুখ্যমন্ত্ৰী হিমন্ত বিশ্ব শৰ্মাই দালালৰ বিৰূদ্ধে কঠোৰ পদক্ষেপ লোৱাৰ পিছতো একাংশ দালালক নিয়ন্ত্ৰণ কৰাত ব্যৰ্থ চৰকাৰ তথা প্ৰশাসন। বেংকৰ ঋণ দিয়াৰ নামত বিভিন্ন ব্যক্তিৰ পৰা দালাল মৰান আলী ওৰফে বাবুমণিয়ে সৰকালে হাজাৰ হাজাৰ ধন। বৰপেটা জিলাৰ ইমৰান আলীয়ে ঠগ প্ৰবঞ্চনৰে সৰ্থেবাৰী, চেঙাৰ বিভিন্ন লোকৰ পৰা ঋণ দিয়াৰ প্ৰলোভনেৰে একো একোজন ব্যক্তিৰ পৰা ২০-৫০ হাজাৰলৈকে ধন সংগ্ৰহ কৰে। কিন্তু পৰিতাপৰ বিষয় ভুক্তভোগীসকলে সেই ঋণ আজিপৰ্যন্ত লাভ কৰা নাই। উপায়ন্তৰ হৈ অৱশেষত সৰ্থেবাৰী থানাত গোচৰ দিবলৈ বাধ্য হয় আমৃখোৱা গাঁৱৰ মল্লিকা বৰ্মনে।
অভিযোগ মতে, ষ্টেট বেংকত কৰ্মৰত বুলি পৰিচয় দিয়া প্ৰবঞ্চক ইমাৰান আলীয়ে মল্লিকা বৰ্মন, মনজিৎ বৰ্মন আৰু বাণীকান্ত বৰ্মনৰ পৰা বেংকৰ ঋণ দিয়াৰ খৰচৰ বাবদ সৰকাইছে অৰ্ধলক্ষাধিক টকা। অথচ ভুক্তভোগীয়ে আজি পৰ্যন্ত নাপালে বেংকৰ ঋণ, নাপালে ঋণ পোৱাৰ বাবদ দিয়া খৰছ। এই ক্ষেত্ৰত চৰকাৰ তথা প্ৰশাসনে এইসকল দালালৰ বিৰুদ্ধে কি ব্যৱস্থা গ্ৰহণ কৰিব সেইটো হ’ব লক্ষণীয়।
